09.12.2025 | 23:31
Եվրոպական հանձնաժողովը հետաքննություն է սկսել Google-ի դեմ
ՄԻՊ աշխատակազմի փորձն ուսումնասիրող թունիսցի հյուրերն այցելել են Երևանի թիվ 1 տուն-ինտերնատ
Հասարակություն
25.10.2017 | 20:27
Երկշաբաթյա այցով Հայաստանում գտնվող Թունիսի Հանրապետության խոշտանգումների դեմ պայքարի ազգային մարմնի նախագահի տեղակալ Նաբիհա Բադրին և գլխավոր քարտուղար Դհիաէդդին Մուրունայսօր Մարդու իրավունքների պաշտպան Արման Թաթոյանի ուղեկցությամբ այցելել են Երևանի թիվ 1 տուն-ինտերնատ։ Այս մասին հայտնում է ՄԻՊ աշխատակազմը:
Պաշտպանը թունիսցի գործընկերներին է ներկայացրել չհայտարարված այցերի ժամանակ աշխատակազմի ներկայացուցիչների աշխատանքի մեթոդներն ու սկզբունքները։
Նրանք շրջել են տարածքով, ծանոթացել Պաշտպանի աշխատակազմի կողմից արձանագրված խնդիրների լուծման ուղղությամբ կատարված աշխատանքներին, խոսել խնամվող անձանց հետ նրանց խնդիրներից։
Հիշեցնենք, որ Եվրախորհրդի կողմից Հայաստանի մարդու իրավունքների պաշտպանի գործունեության մեթոդներն ու սկզբունքները ճանաչվել են լավագույնը եվրոպական երկրների շարքում և այդ նպատակովՊաշտպանի աշխատակազմի փորձն ուսումնասիրելու և իրենց երկրում տեղայնացնելու համար արդեն Հայաստանում են եղել Մարոկկոյի Թագավորության մարդու իրավունքների ազգային կենտրոնիներկայացուցիչները:
Առաջիկայում սպասվում է այցելություն նաև Բոսնիա և Հերցեգովինայից:
