10.08.2026 | 16:06
ԶՈւ-ում սպայական, ենթասպայական և սերժանտական կազմերի համալրման հարցով խորհրդակցություն է անցկացվել
Ստիպված եմ այստեղ ևս պարզաբանել. Էդուարդ Աղաջանյանը ՝ վարչապետի հետ Գերմանիա մեկնած պատվիրակության ծախսերի մասին
14.02.2020 | 16:49
«Պարզվում է, որ հերքման տեքստը ապատեղեկատվություն տարածողների համար բավարար չէր, և այս անգամ վերջիններս հղում կատարելով Վարչապետի համապատասխան որոշմանը (կցվում է), գտել են «անհերքելի» ապացույց առ այն, թե իբր ես մոլորեցնում եմ հանրությանը, պնդելով որ պատվիրակության կեցության ծախսերը ամբողջությամբ հոգում է հրավիրող կողմը»,- ֆեյսբուքի իր էջում գրել է ՀՀ վարչապետի աշխատակազմի ղեկավար Էդուարդ Աղաջանյանը:
Հիշեցնենք, որ երեկ Էդուարդ Աղաջանյանը ֆեյսբուքի իր էջում անդրադարձել էր սոցցանցի օգտատերերից մեկի տարածած այն հայտարարությանը, թե վարչապետի հետ ԳԴ այցելած պատվիրակության յուրաքանչյուր անդամի համար ամրագրվել է մինչև 900 եվրո արժողությամբ հյուրանոցային համար: Աշխատակազմի ղեկավարը նշել էր, որ հայկական պատվիրակության ծախսը գերմանական կողմն է հոգում:
«Ստիպված եմ այստեղ ևս պարզաբանել: Խնդիրը նրանում է, որ Վարչապետի այցը չի սահմանափակվում Բեռլինով: Սույն այցի շրջանակներում պատվիրակությունը պետք է մասնակցի Մյունխենի անվտանգության համաժողովին, որի ընթացքում կեցության ծախսերը հոգում է հայկական կողմը, ուստի որոշման մեջ նշված է, որ համապատասխան բյուջետային տողից գումար կհատկցվի ըստ ՓԱՍՏԱՑԻ կատարված ծախսերի, չառանձնացնելով Բեռլինի և Մյունխենի կեցության ծախսերը: Թերևս այսքանը:
Հ.Գ. Ի դեպ, հյուրանոցի նշյալ աշխատողը հեռացված է աշխատանքից, ոչ պրոֆեսիոնալ վարքագիծ ցուցաբերելու համար: Կարծում եմ նման ապատեղեկատվություն տարածողներին իրենց իսկ ֆինանսավորողները պետք է ևս հեռացնեն աշխատանքից նման փնթի և էժանագին մանիպուլյացիաների համար: Իսկ ֆինանսավորողների հերթը ևս կհասնի»,- այսօր իլրումն երեկվա գրառման նշել է Աղաջանյանն ու վարչապետի համապատասխան որոշումը հրապարակել:
