31.08.2026 | 12:10
Փաշինյան-Պուտին հանդիպում կլինի // Հորդառատ տեղումներ են սպասվում․ ԼՈՒՐԵՐ
Վլադիմիր Պուտինը կարգադրել է նախապատրաստվել սահմանադրական բարեփոխումների քվեարկությունը
Քաղաքականություն
14.02.2020 | 18:13
Ռուսաստանի նախագահ Վլադիմիր Պուտինը կարգադրել է նախապատրաստվել ՌԴ Սահմանադրության փոփոխության համառուսական քվեարկությանը: Այս մասին հայտնում է ՌԻԱ Նովոստին:
Համապատասխան փաստաթուղթը տեղադրված է իրավական ակտերի տեղեկատվական կայքում: «Պետական մարմինները և կազմակերպությունները պետք է պատրաստվեն ՌԴ Սահմանադրության մեջ փոփոխություններ կատարելու համառուսական քվեարկությանը», – ասվում է փաստաթղթում:
Հիշեցնենք, որ հունվարի 20-ին Պուտինը սահմանադրական բարեփոխումների վերաբերյալ օրինագիծը Պետդումա էր ներկայացրել։ Պետդումայի տվյալներով՝ սահմանադրական բարեփոխումները ներառում են նվազագույն աշխատավարձի չափը, Ռուսաստանի նախագահի թեկնածուների հանդեպ պահանջների խստացումը, իշխանության ճյուղերի միջև լիազորությունների վերաբաշխումը:
Նելլի Մելքոնյան
