14.05.2026 | 23:29
Թուրքիայի և Վրաստանի քաղաքացիները 2025 թվականին ԵՄ-ից արտաքսումների թվով առաջին ու երկրորդ տեղերում են
Իրանը ծրագրում է ԵՏՄ երկրներ արտահանումը հասցնել 10 մլրդ դոլարի
Քաղաքականություն
14.02.2020 | 16:22
Իրանը ծրագրում է տասն անգամ ավելացնել ԵՏՄ անդամ երկրներ արտահանման ծավալները՝ հասցնելով 10 մլրդ դոլարի: Այս մասին ԻՌՆԱ-ին ասել է Արաքս ազատ գոտու գլխավոր տնօրեն Մոհսեն Նարիմանը:
«Եթե մենք մեծացնենք Իրանի մասնաբաժինը ԵՏՄ արտաքին առևտրաշրջանառությունում, ապա ԵՏՄ երկրների իրանական արտահանումը կարող է ավելանալ 10 անգամ՝ հասնելով 10 մլրդ դոլարի»,- ասել է Նարիմանը:
Նրա խոսքով՝ այդ ուղղությամբ ակտիվ դերակատարում կարող է ունենալ Հայաստանի և Ադրբեջանի սահմաններին Պարսից ծոցն Արաքս ազատ գոտուն միավորող երկաթգիծը:
Նա նաև հիշեցրել է, որ Մերձավոր Արևելքի խոշորագույն ջերմոցը՝ 31 հեկտար մակերեսով, տեղակայված է Արաքս ազատ գոտում, որի ամբողջ մթերքը մատակարարվում է Ռուսաստանին:
Հիշեցնենք, որ ԵՏՄ-ի և Իրանի միջև առևտրային ժամանակավոր համաձայնագիրն ուժի մեջ է մտել 2019 թվականի հոկտեմբերի 27-ից:
