Քաղաքականություն
13.02.2020 | 20:20Ապրիլի 5-ին կկայանա սահմանադրական փոփոխությունների հանրաքվեն: ԱՅՈ-ի շտաբը կղեկավարի իշխանությունը, իսկ թե որ ուժը կլինի ՈՉ-ի շտաբի ձևավորման առաջամարտիկը, Ազգային ժողովի պարագայում դեռևս հայտնի չէ:
Խորհրդարանական ընդդիմություն «Լուսավոր Հայաստան» խմբակցությունից արդեն իսկ հայտարարել են՝ ՈՉ-ի շտաբ չեն ձևավորելու:
Ավելին, այս ուժի անդամները մնացյալ կուսակցություններին էլ հորդորեցին ՈՉ-ի քարոզ չիրականացնել: Խորհրդարանական մյուս ընդդիմադիր ուժը՝ «Բարգավաճ Հայաստան»-ն առայժմ որոշում չունի: Վաղը խորհրդի նիստ կանցկացնեն՝ կորոշեն: Սակայն խմբակցության պատգամավոր Միքայել Մելքումյանն արձանագրում է՝ իշխող ուժի կողմից հանրաքվեի տանող ճանապարհին մի շարք սխալներ արվեցին:
Իշխող ուժից հայտարարեցին և այժմ էլ պնդում են՝ հանրաքվեն այս պահին միակ խելամիտ ճանապարհն է՝ ՍԴ ճգնաժամը լուծելու համար:
Թեմայի վերաբերյալ մանրամասները՝ տեսանյութում:
Մերի Մարտիրոսյան
