21.06.2026 | 12:06
Հունիսի 22-ին և 23-ին գազ չի լինելու մի շարք հասցեներում
ԱՄՆ Սենատը կարող է սահմանափակել Թրամփի՝ Իրանի դեմ ռազմագործողություններ սկսելու լիազորությունները
Քաղաքականություն
13.02.2020 | 15:08
ԱՄՆ Սենատը մտադիր է հաստատել օրինագիծ, որով կսահմանափակվեն նախագահ Դոնալդ Թրամփի՝ Իրանի դեմ ռազմական գործողություններ սկսելու լիազորությունները: Այս մասին հայտնում է Reuters-ը:
Համաձայն օրինագծի՝ Թրամփը պետք է հեռացնի Իրանի հետ ռազմական գործողություններում ընդգրկված ամերիկյան զորքերը, մինչև Կոնգրեսը պատերազմ չհայտարարի կամ ռազմական ուժ կիրառելու հատուկ թույլտվություն չտա:
Օրինագծի ընդդիմադիր հանրապետականները, այդ թվում՝ Թրամփը, կարծում են, որ այս ուղերձն Իրանի կողմից սխալ կընկալվի: ԱՄՆ նախագահն այս կապակցությամբ թվիթերյան իր միկրոբլոգում գրել է. «Մեր երկրի անվտանգության համար կարևոր է, որ ԱՄՆ-ի Սենատը չքվեարկի Իրանի դեմ պատերազմի լիազորությունների սահմանափակման օրինագծի օգտին: Իրանի հետ կապված իրավիճակը շատ լավ է և այժմ թուլություն ցուցաբերելու ժամանակը չէ»:
Նելլի Մելքոնյան
