20.01.2026 | 19:21
Դավթաշենում գտնվող ավտոտեխսպասարկման կետում ավտոմեքենա է այրվել
Կուսակցությունների ֆինանսավորումը վերանայվելու է. «Իմ քայլը» դաշինքին գործադիրը 78 մլն հատկացրեց. ՏԵՍԱՆՅՈՒԹ
Քաղաքականություն
13.02.2020 | 11:34
Կառավարության այսօրվա նիստին որոշում կայացվեց Հայաստանի Հանրապետության Ազգային ժողովի 2018 թվականի ընտրություններում 3 և ավելի տոկոս ձայն հավաքած կուսակցություններին և կուսակցությունների դաշինքներին աջակցություն ցույց տալ:
Ըստ այդմ՝ Հայաստանի Հանրապետական կուսակցությանը կհատկացվի՝ 5 միլիոն 200 հազար դրամ, «Բարգավաճ Հայաստան» կուսակցությանը՝ 9 միլիոն 150 հազար դրամ, «Լուսավոր Հայաստան» կուսակցությանը՝ 7 միլիոն դրամ, Դաշնակցությանը՝ 4 միլիոն 300 հազար դրամ, «Իմ քայլը» դաշինքին՝ 78 միլիոն դրամ:
Ընդհանուր՝ ՀՀ պետական բյուջեից կուսակցություններին կհատկացվի 103 միլիոն 725 հազար դրամ:
«Ուզում եմ տեղեկացնել, որ այս պահին արդեն իսկ ընթանում են լայնաֆորմատ քննարկումներ Կուսակցությունների մասին օրենքի վերաբերյալ, օրենքով վերանայվելու են կուսակցությունների ֆինանսավորման կարգը: Կարծում եմ՝ այն ժամանակներն անցել են, երբ կուսակցական գործունեությունը վատ կամ նեգատիվ երևույթների հետ էր կապվում, օրենքի փոփոխություններով պետք է խթանենք, որպեսզի երիտասարդները ունենան ցանկություն զբաղվել կուսակցական, քաղաքական գործունեությամբ, որովհետև քաղաքական կայունության ու պետականության համար կարևոր է, որ կուսակցությունները կայանան, զարգանան», – ասաց ՀՀ փոխվարչապետ Տիգրան Ավինյանը:
Մանրամասները՝ տեսանյութում:
