Դավիթ Խաժակյանը, որը Միքայել Մինասյանի կայքի տեսանյութերի աստղն է, ինձ փորձում է կապել Հրայր Թովմասյանի քրոջ հետ. ՏԵՍԱՆՅՈՒԹ

Ազգային ժողովի փոխնախագահ Ալեն Սիմոնյանն այսօր խորհրդարանում արձագանքեց Երևանի ավագանու «Լույս» խմբակցության ղեկավար Դավիթ Խաժակյանի ֆեյսբուքյան գրառմանը։

«Քաղաքական գործիչը, որը Միքայել Մինասյանի կայքի տեսանյութերի աստղն է, ինձ փորձում է կապել Հրայր Թովմասյանի քրոջ հետ։ Ես կարծում եմ, որ երբ մարդը նման հայտարարություն է անում, պետք է վստահ լինի, որ իր վերաբերյալ նման հայտարարություն չի լինի։ Թող Խաժակյանը շարունակի Միքայել Մինասյանի կայքերի համար նկարահանվել»,- ասաց Սիմոնյանը։

Հիշեցնենք, որ Դավիթ Խաժակյանը ֆեյսբուքյան էջում, մասնավորապես, գրել էր. «Ալեն Սիմոնյանին թվում է, թե իր մանր-մունր լեզվի «սայթաքումներով» կարող է մեզ հունից հանել։ Բայց ստիպված եմ հիասթափեցնել, քանի որ առանց մեր միջամտության էլ նա արդեն իսկ բացահայտում է իր իրական տեղն ու շրջապատը։ Ահա՛, Սիմոնյանը Հրայր Թովմասյանի քրոջ և էլի ինչ-որ մեկի մասնակցությամբ, գրեթե միաժամանակ ու նույնաբովանդակ, ցածր ու նողկալի քարոզչություն են իրականացնում Էդմոն Մարուքյանի և «Լուսավոր Հայաստան»-ի դեմ։ Փաստորեն Ալենն ու Հրայրի քույրը ունեն նույն նպատակը, այն է՝ էժանագին քարոզչությամբ վարկաբեկել մեզ։ Էս ո՞ւր հասանք, ՔՊ-ական Ալեն Սիմոնյանը Հրայր Թովմասյանի քրոջ հետ միասին դաշինք է կազմել ընդդեմ Լուսավորի, չնայած նրան, որ իր վերադասի մոտ մտասևեռում է դարձել Թովմասյանի դեմ քաղաքական պայքարը»։ Մանրամասները՝ տեսանյութում Մերի Մարտիրոսյան