12.06.2026 | 01:05
ԱԱ-2026․ Երեք կարմիր քարտ ու տանտերերի հաղթանակ՝ բացման խաղում․ ՏԵՍԱՆՅՈՒԹ
Ահազանգ. Չեխովի դպրոցում զուգարանի թուղթ են պահանջել. Մարությանը կատակեց՝ երեխաս էլ է այնտեղ սովորում. ՏԵՍԱՆՅՈՒԹ
Տեսանյութեր
11.02.2020 | 17:30
Երևանի Չեխովի անվան թիվ 55 դպրոցում տնօրենը յուրաքանչյուր դասարանի հանձնարարել է ամեն ամիս մեկ տուփ զուգարանի թուղթ և անձեռոցիկներ տանել: Ահազանգն ավագանու նիստի ժամանակ հնչեցրեց ԲՀԿ խմբակցության անդամ Հռիփսիմե Գրիգորյանը:
Պարզվեց՝ նման ահազանգ ստացել է նաև փոխքաղաքապետ Տիգրան Վիրաբյանը: «Պարտադրվել է յուրաքանչյուրին մեկ տուփ զուգարանի թղթով և անձեռոցիկով ապահովել իրենց հարկաբաժինները՝ մինչև տարեվերջ: Տնօրենի պահանջով, փաստորեն, երեխաները պետք է ամեն ամիս ութ տուփ զուգարանի թուղթ տանեն»,- ասաց ավագանու անդամը:
Հայկ Մարությանը հետաքրքրվեց՝ դասարա՞նը պետք է տանի, թե՞ յուրաքանչյուր աշակերտը, ապա կատակեց. «Իմ երեխան էլ է Չեխովում սովորում, ուզում եմ իմանալ՝ ինչ է տանելու»:
Փոխքաղաքապետ Տիգրան Վիրաբյանն ասաց, որ հանրակրթության վարչության աշխատակիցները մեկնել են դպրոց, քաղաքապետն էլ պահանջեց իրեն զեկուցել արդյունքների մասին:
Մանրամասները՝ տեսանյութում:
Նարեկ Կիրակոսյան
