Հասարակություն
24.10.2017 | 20:39
Կենտրոն և Նորք-Մարաշ վարչական շրջանի ընդհանուր իրավասության դատարանում կքննվի «Գրին Քարտ»-ի խոստում տալու և այդկերպ խարդախությամբ առանձնապես խոշոր չափերով գումարի հափշտակություն կատարելու գործը. տեղեկացնում է «Փաստինփոն»:
Ըստ մեղադրանքի՝ Գրիգոր Գրիգորյանը 2017թ. հուլիսին ծանոթացել է Վահագն Դավթյանի հետ ումից նախօրոք տեղեկանալով ընտանիքով ԱՄՆ մեկնելու ցանկության մասին` վստահեցրել է, որ 30.000 ԱՄՆ դոլարի դիմաց կարող է կազմակերպել ԱՄՆ-ում «Գրին Քարտ» ստանալը:
2017թ. օգոստոսին Երևան քաղաքի «Արմենիա-Մոթորս» հյուրանոցի սրճարանում հանդիպել է Վահագն Դավթյանի հետ, ստուգումներ կատարելու կեղծ պատրվակով` վերցրել է վերջինիս ՀՀ քաղաքացու անձնագիրը և որոշ ժամանակով դուրս եկել սրճարանից, ապա վերադառնալով տեղեկացել է, որ հստակ կարող է ձեռք բերել ԱՄՆ «Գրին քարտ»` այդ կերպ ավելի ամրապնդելով նախօրոք ձեռք բերած վստահությունը, ինչի արդյունքում սրճարանում Գրիգոր Գրիգորյանը Վահագն Դավթյանից պահանջել և ստացել է 7.173.000 ՀՀ դրամին համարժեք` 15.000 ԱՄՆ դոլար` պայմանավորվելով գումարի մյուս մասը վերցնել ԱՄՆ դեսպանատանը 2018թ. մայիսին կայանալիք հարցազրույցից հետո:
Սակայն ԱՄՆ «Գրին քարտ» ձեռք բերելու ուղղությամբ որևէ էական գործողություններ չկատարելով, միաժամանակ այլ անձանց համար այն ձեռք բերելու իրականում որևէ հնարավորություն չունենալով` խարդախությամբ հափշտակել է Վահագն Դավթյանին պատկանող առանձնապես խոշոր չափերով հիշյալ գումարը:
Գրիգոր Գրիգորյանին մեղադրանք է առաջադրվել ՀՀ քրեական օրենսգրքի 178-րդ հոդվածի 3-րդ մասի 1-ին կետով, նրա նկատմամբ որպես խափանման միջոց է ընտրվել չհեռանալու մասին ստորագրությունը:
