20.01.2026 | 19:10
Չեռնոբիլի ատոմակայանն անջատվել է արտաքին էլեկտրամատակարարումից ռուսական հարձակումից հետո. ՄԱԳԱՏԷ
«Քաղաքացու որոշում» կուսակցությունը դեռ որոշում չի կայացրել՝ հանրաքվեի քարոզարշավում լինելու է «Այո»-ի, թե՞ «Ոչ»-ի ճամբարում
Քաղաքականություն
11.02.2020 | 16:26
«Քաղաքացու որոշում» կուսակցությունը դեռ որոշում չի կայացրել՝ հանրաքվեի քարոզարշավում լինելու է «Այո»-ի, թե՞ «Ոչ»-ի ճամբարում։ Factor.am-ի հետ զրույցում այս մասին ասաց կուսակցության գործադիր մարմնի քարտուղար Սուրեն Սահակյանը։
Փետրվարի 17-ից սկսվում է քարոզարշավը, մինչ այդ հայտնի կդառնա՞ կուսակցության դիրքորոշումը հարցին Սուրեն Սահակյանը կարճ պատասխանեց. «Ըստ անհրաժեշտության»։
Հիշեցնենք՝ օրեր առաջ կուսակցությունը հայտարարություն էր տարածել՝ շեշտելով, որ Սահմանադրական դատարանը, որպես ինստիտուտ, սնանկացրել է ինքն իրեն. «Իրավունքի գերակայության և ժողովրդավարության հռչակված սկզբունքներին վերադառնալու ճանապարհը հնարավոր չէ անցնել այսպիսի ինստիտուտ կազմավորած մարդկանց հետ։ Նրանք ապացուցել են, որ ոչ միայն ունակ չեն պաշտպանել անկախության հռչակագրով սահմանադրի նախանշած նպատակները, այլև հլու հետևել են դրանց ոտնահարմանը։ Նրանք պետք է հեռանան»։
Այդուհանդերձ, «Քաղաքացու որոշումը» պնդում է, որ հանրաքվեով հնարավոր է ունենալ սահմանադրի կամքին համահունչ դատարան, սակայն «դա հնարավոր է միայն այն դեպքում, եթե կառավարող ուժը դադարեցնի դրսևորած անհետևողական, երկակի չափանիշներով, փոփոխվող սկզբունքներով, պահի հարմարությամբ առաջնորդվելու իր գործելաոճը»:
Սուրեն Սահակյանը Factor.am-ի հետ զրույցում պարզաբանեց. «Հանրաքվեի հարցին չենք դեմ, բայց այն, ինչպես լղոզվում են մնացած հարցերը, դեմ ենք դրան»։
Ռոբերտ Անանյան
