19.06.2026 | 09:48
Ճանապարհների թերությունների մասին կարելի է հայտնել Arm Roads Info հավելվածով
Բաքուն չի կատարի ԵԽ-ի պահանջները. Ալիևը դժգոհել է «Ադրբեջանի հանդեպ անարդար վերաբերմունքից»
Քաղաքականություն
11.02.2020 | 14:41
Ադրբեջանի նախագահ Իլհամ Ալիևը հայտարարել է, որ մի շարք միջազգային կազմակերպություններ կանխակալ վերաբերմունք են ցուցաբերում երկրում անկացված արտահերթ խորհրդարանական ընտրությունները գնահատելիս: Այս մասին գրում է ադրբեջանական «Ինտերֆաքս»-ը:
«Մենք վաղուց արդեն վարժվել ենք միջազգային մի շարք դիտորդական առաքելությունների բ բացասական եզրակացություններին: Երբեմն դրանք պատրաստվում են մինչև ընտրությունների անցկացումը, ընդ որում՝ ո՛չ կազմակերպությունների կողմից, այլև այլ վայրերում, իսկ հետո փոխանցվում են նրանց»,- թուրք-ադրբեջանական միջխորհրդարանական բարեկամության խմբի ղեկավարի հետ հանդիպմանն ասել է Ալիևը:
Նա նշել է, որ Եվրախորհրդի կողմից Ադրբեջանի հանդեպ բացասական վերաբերմունքի վերջին դրսևորումը քաղբանտարկյալների վերաբերյալ զեկույցն էր, որը, Ալիևի համոզմամբ, «կառուցված է կեղծիքի վրա»:
«Նման բանաձևի ընդունումն իրականում խորհրդարանական ընտրություններին կոպտագույն միջամտություն է: Մենք հերքում ենք բոլոր մեղադրանքները և չենք կատարելու, այսպես կոչված, «պահանջները», որոնք մեզ առաջադրվել են: Փաստը, որ այդ բանաձևն ընդունվել է խորհրդարանական ընտրություններից կարճ ժամանակ առաջ, ցուցադրում է Ադրբեջանի հանդեպ բացասական և անարդար վերաբերմունքը»,- հայտարարել է Իլհամ Ալիևը:
