26.09.2026 | 20:38
Քաղաքացին ընկել է ջրհորը. նա հոսպիտալացվել է
Հայկ Մարությանը Մուկուչյանին առաջարկել է հանրաքվեի ժամանակ մի հարց էլ Երևանի մասին ներառել. ՏԵՍԱՆՅՈՒԹ
Քաղաքականություն
11.02.2020 | 13:09
Երևանի ավագանին քննարկում է առևտրաժամանցային կենտրոններին տրվող վճարովի ավտոկայանատեղիների հարցը:
«Իմ քայլը» խմբակցության անդամ Իզաբելլա Աբգարյանն ասաց, որ միշտ դեմ է եղել ինչ-որ չափի գումարի դիմաց տարածքները որպես կայանատեղի մասնավորին տալուն: Նա առաջարկում է այդ հարցով հանրաքվե անցկացնել և հարցնել երևանցիների կարծիքը:
«Ես կարծում եմ, որ ժամանակի հետ այս հարցը պետք է դրվի հանրաքվեի, որպեսզի մենք ունենանք երևանցիների կարծիքը: Կարծում եմ, որ սա այդ հարցերից է: Տհաճ է, երբ մարդկանց մոտ կարծիք է ստեղծվում, թե համայնքը սահմանափակում է շատերի ազատ իրավունքը՝ ինչ-որ տեղ կայանելու համար, քանի որ ունենալու է եկամուտ ինչ-որ փոքր խնդրից»,- ասաց նա և հույս հայտնեց, որ այս տարի կանցկացվի հանրաքվեն:
Քաղաքապետ Հայկ Մարությանն էլ ասաց, որ ԿԸՀ նախագահ Տիգրան Մուկուչյանի հետ քննարկել է, սահմանադրական փոփոխությունների հանրաքվեի շրջանակում, զուգահեռ մեկ այլ հանրաքվե անցկացնել՝ Երևանի հարցերից մեկի հետ կապված, բայց պարզվել է, որ անհնար է: Քաղաքապետը, սակայն, չմանրամասնեց, թե ինչ հարցի մասին է խոսքը:
Մանրամասները՝ տեսանյութում:
Նարեկ Կիրակոսյան
