16.12.2025 | 12:03
37-ամյա տղամարդը դանակահարել է հորն ու մորը․ ծնողները մահացել են, որդին ձերբակալվել է
«Հեղափոխությունը պետք է մեր ուղեղում անենք». ավագանու «Իմ քայլի» անդամ. ՏԵՍԱՆՅՈՒԹ
Քաղաքականություն
11.02.2020 | 13:01
Երևանի ավագանու ԲՀԿ խմբակցության անդամ Հռիփսիմե Առաքելյանն այսօրվա նիստում խոսեց վճարովի ավտոկայանատեղիների խնդրի մասին: Նա, մասնավորապես, ասաց, որ ավագանու հաջորդ նիստին պետք է հրավիրել նաև ոստիկանապետի պաշտոնակատար Արման Սարգսյանին:
«Այսպես փչացած հեռախոս է լինում. մենք ասում ենք, իրենք պատասխանում են՝ այսպես չէ, այնպես է»,- ասաց ավագանու անդամը:
Քաղաքապետ Հայկ Մարությանը, սակայն, դեմ է ոստիկանապետին հրավիրելուն, քանի որ, ըստ նրա, դա Երևանի վարչության շրջանակում կարգավորվող հարց է:
Թեմայի քննարկման ժամանակ ելույթ ունեցավ նաև «Իմ քայլը» խմբակցության անդամ Նվարդ Վարդանյանը: «Մենք ունենք խնդիր, քանի որ տրամադրում ենք ավտոկայանատեղիները, բայց քաղաքապետարանը վերահսկողություն իրականացնելու իրավունք չունի: Յուրաքանչյուր քաղաքացի թող անկեղծ լինի իր հետ և պատասխանի՝ արդյո՞ք այդ «հանցագործությանը» մասնակից է լինում: Երբ ես ընկերներիս հետ քաղաքում որևէ տեղ եմ գնում, բոլորը փող են տալիս, երբ ասում եմ՝ դու իրավունք չունես փող տալու, ինձ ասում են, որ մեղք է: Այստեղ քաղաքացու գիտակցության մակարդակի բարձրացման խնդիր կա, հեղափոխությունը պետք է մեր ուղեղում անենք»,- ասաց նա:
Մանրամասները՝ տեսանյութում:
Նարեկ Կիրակոսյան
