12.10.2026 | 16:53
«Ընտրությունն իրականացրել է ՄԱԿ-ը»․ COP17-ի գնումների վերաբերյալ ընդդիմության մեղադրանքներին արձագանքել է ՇՄ նախարարությունը
Թբիլիսիի նախկին քաղաքապետը 3 տարվա ազատազրկման է դատապարտվել
Քաղաքականություն
11.02.2020 | 12:24
Թբիլիսիի նախկին քաղաքապետ, ընդդիմադիր «Եվրոպական Վրաստան» կուսակցության առաջնորդ Գիգի Ուգուլավան դատապարտվել է 3 տարի 2 ամիս ժամկետով ազատազրկման: Այս մասին հայտնում է agenda.ge-ն:
Գերագույն դատարանը հաստատել է Դատախազության միջնորդությունը, ըստ որի՝ Գիգի Ուգուլավան Թբիլիսիի զարգացման հիմնադրամից 48 մլն լարի է յուրացրել:
Ուգուլավայի փաստաբան Բեկա Բասիլայայի խոսքով, Ուգուլավային գերագույն դատարանը դատապարտել է այն հոդվածով, որը ենթադրում է 9 տարվա ազատազրկում, սակայն նշված հոդվածի վրա համաներում է սահմանվել ու քանի որ նա ավելի վաղ պատիժ է կրել 1 տարի 4 ամիս ժամկետով՝ կալանքի տակ կմնա ևս 3 տարի 2 ամիս:
Նելլի Մելքոնյան
