31.08.2026 | 14:53
Ալեն Սիմոնյանը Բիշքեկում մասնակցել է Հնդկաստանի վարչապետ Նարենդրա Մոդիի հետ հանդիպմանը
«Կան դպրոցական գրադարաններ, որտեղ վերջին 20 տարում գրեթե գիրք չի մտել». գրաքննադատ
Հասարակություն
07.02.2020 | 16:18
2010 թվականի համեմատ, երբ գիրքն ընկալվում էր որպես էկզոտիկ մի բան, շատ մեծ փոփոխություն կա։ Այսօր գրողները կարող են հանգիստ տպագրվել, հատկապես՝ երիտասարդները։ Այս մասին այսօր՝ Գիրք նվիրելու օրվան ընդառաջ հրավիրված մամուլի ասուլիսի ընթացքում նշեց գրաքննադատ Հասմիկ Հակոբյանը։
Ըստ նրա՝ միակ բանը, որի վրա պետք է պետական մակարդակով ուշադրություն դարձվի, գրականության հանրահռչակմանն ուղղված քայլերն են։
«Մեր հանրության մեջ գրականությունը, ժամանակակից արվեստը շատ խորթ կարգավիճակում են։ Մեծ միջոցառումներ պետք է տարվեն, որ ժամանակակից գրականությունը մարդկանց հասանելի դառնա։ Դպրոցից, կրթական համակարգից եկող քայլեր են պետք»,- ասաց Հասմիկ Հակոբյանը։
Գրաքննադատի խոսքով՝ դպրոցական գրադարաններն այսօր անմխիթար վիճակում են։
«Գրադարաններ կան, որտեղ վերջին 20 տարում գրեթե գիրք չի մտել։ Գյուղերի գրադարանները ոչ բարվոք վիճակում են։ Առհասարակ, եթե ուզում ենք գրականությունը տարածվի, պետք է պետական միջոցներով ուշադրություն դարձնենք գրադարանների համալրմանը։ Գուցե մարզաբնակները գիրք գնելու կարողություն չունեն, բայց գոնե դպրոցականները գրադարաններից կարող են օգտվել»,- ասաց Հասմիկ Հակոբյանը։
Մանրամասները՝ տեսանյութում։
Նելլի Մելքոնյան
