10.10.2026 | 12:57
Նավթի գներն աճել են
«Գրական մթնոլորտի վերականգնման խնդիր ունենք». Արքմենիկ Նիկողոսյան. ՏԵՍԱՆՅՈՒԹ
Մշակույթ
07.02.2020 | 15:33
Ունենք գրական մթնոլորտի վերականգնման խնդիր, որպեսզի քաղաքականից զատ նաև մշակութային կյանքով կարողանանք ապրել։ Այս մասին այսօր՝ Գիրք նվիրելու օրվան ընդառաջ հրավիրված մամուլի ասուլիսի ընթացքում նշեց գրաքննադատ Արքմենիկ Նիկողոսյանը։
«Գիրք տպագրելու խնդիր այսօր լավ գրողները չունեն։ Գրողը պետք է իմանա, որ լավ գրելը գիրք ունենալու միակ ճանապարհն է։ Ցանկացած լավ գրողի առջև հրատարակիչների դռները բաց են»,- ասաց գրաքննադատը։
Ըստ նրա՝ Հայաստանի գրական ոլորտում նաև թարգմանչական ռեսուրսների պակաս կա։ Բացի այդ, հայ ընթերցողը բավականաչափ խիզախ չէ․ «Մեր ընթերցողը շատ յուրահատուկ է․ վախենում է գլոբալ նորություններից, խիզախ չէ և ավելի շատ հանրային, հայտնի անուններով գրքերն են գրավում։ Այդ առումով բնական է, որ Պաուլո Կոելիոն, Ռիչարդ Բախը, Ալբեր Քամյուն այսօր ամենապահանջված հեղինակներն են։ Այդուհանդերձ, գրեթե ամիս չկա, որ հայ գրողի հեղինակությամբ մի լավ գիրք կամ բանաստեղծական շարք լույս չտեսնի։ Հեղափոխությունից հետո շատ ոգևորված էինք, քանի որ դրա արդյունքում իշխանության են եկել մարդիկ, որոնք կարդացած են, տեղյակ են ժամանակակից գրականությունից հետևում են թրենդներին»,- ասաց Արքմենիկ Նիկողոսյանը։
Մանրամասները՝ տեսանյութում։
Նելլի Մելքոնյան
