30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Չինաստանի և ԱՄՆ-ի նախագահները քննարկել են կորոնավիրուսի հետ կապված իրավիճակը
Քաղաքականություն
07.02.2020 | 12:53
Կորոնավիրուսի դեմ պայքարն արդյունքներ է տալիս։ Այս մասին այսօր ԱՄՆ նախագահ Դոնալդ Թրամփի հետ հեռախոսազրույցում նշել է Չինաստանի նախագահ Սի Ցզինպինը․ տեղեկացնում է ՌԻԱ Նովոստին։
Չինաստանի առաջնորդը նշել է, որ վարակի բռնկման սկզբից Չինաստանի կառավարությունն ու ժողովուրդը գործադրել են հնարավոր բոլոր ջանքերը՝ նոր տիպի կորոնավիրուսով առաջացած թոքաբորբի տարածման դեմ պայքարի համար։
Նա շեշտել է, որ Չինաստանը վստահություն և հնարավորություն ունի՝ հաղթելու հիվանդության տարածմանը: Չինաստանի նախագահը նաև համոզմունք է հայտնել, որ կորոնավիրուսի հզոր բռնկումը չի կարող արգելակել Չինաստանի տնտեսական զարգացումը:
ԱՄՆ նախագահ Դոնալդ Թրամփն իր հերթին խոստացել է, որ Վաշինգտոնը հանգիստ կարձագանքի կորոնավիրուսի հետ կապված իրավիճակին: Նա նաև պատրաստակամություն է հայտնել Չինաստան ուղարկել ամերիկացի փորձագետների և այլ տեսակի օգնություն տրամադրել։
Նելլի Մելքոնյան
