28.11.2024 | 12:40
Թուրքիայում 4,1 մագնիտուդով երկրաշարժ է տեղի ունեցել
Իսրայելը Սիրիան հրթիռակոծել է այն պահին, երբ 172 ուղևորով ինքնաթիռը վայրէջք կատարելիս է եղել
Քաղաքականություն
07.02.2020 | 12:24
Իսրայելական բանակը Սիրիայի տարածքը հրթիռակոծել է այն պահին, երբ Իրանի մայրաքաղաք Թեհրանից ժամանած ուղևորատար ինքնաթիռը վայրէջք կատարելիս է եղել: Նշվում է, որ ինքնաթիռի մեջ 172 ուղևոր է եղել։ Այս մասին հայտնում է ՌԻԱ Նովոստին՝ հղում անելով Ռուսաստանի Պաշտպանության նախարարության ներկայացուցիչ Իգոր Կոնաշենկովին։
Աղբյուրի փոխանցմամբ՝ գիշերը՝ ժամը 2-ից սկսած, իսրայելական օդուժի չորս F-16 կործանիչ հրթիռակոծել է Սիրիայի օդային տարածքը՝ Դամասկոսի շրջանում։ Օդանավի անձնակազմին հաջողվել է փոխել ինքնաթիռի ուղղությունը և վայրէջք կատարել ռուսական ավիաբազայի տարածքում գտնվող «Հմեյնիմ» օդակայանում: Կոնաշենկովն ափսոսանք է հայտնել, որ իսրայելցիների կողմից նմանատիպ գործողությունները հաշվի չեն առնում հարյուրավոր անմեղ քաղաքացիների կյանքը։
Սիրիայի կառավարական ուժերի կողմից Իսրայելի ռազմաօդային ուժերի օդային հարվածը հետ մղելու գործողություններ են տարվել, որի ընթացքում ակտիվորեն օգտագործվել են ՀՕՊ զենիթահրթիռային համակարգեր:
Նշենք, որ Սիրիայի և Իսրայելի միջև դիվանագիտական հարաբերություններ չկան։ Նրանք գտնվում են պատերազմական դրության մեջ։ Մասնավորապես՝ նրանք երկարատև տարածքային հակամարտություն ունեն Գոլանի բարձունքների կարգավիճակի շուրջ:
Նելլի Մելքոնյան
