27.04.2026 | 10:50
«Խարբերդի մասնագիտացված մանկատանը» պահպանվում են նախորդ այցերով արձանագրված խնդիրները․ ՄԻՊ
Հրայր Թովմասյանը Սահմանադրական դատարանին ավելի մեծ լիազորություններ է վերապահել, քան վերապահված է ժողովրդին. ՏԵՍԱՆՅՈՒԹ
Քաղաքականություն
06.02.2020 | 19:55
Հրայր Թովմասյանը ՍԴ նախագահ է ընտրվել 17 տարով՝ չնայած գիտեր, որ ընդամենը 19 օր հետո ուժի մեջ է մտնելու նոր Սահմանադրությունը, որտեղ նկարագրված է երազանքի Սահմանադրական դատարանը, և որտեղ գրված է, որ ՍԴ նախագահն ընտրվում է 6 տարի ժամկետով: ԱԺ-ում ունեցած ելույթում հայտարարեց վարչապետ Նիկոլ Փաշինյանը:
«Հրայր Թովմասյանն իր կուսակցության՝ ՀՀԿ-ի օգնությամբ մինչև 2035 թվականն իրենով է արել ՍԴ նախագահի կարգավիճակը՝ չնայած գործող Սահմանադրությամբ բոլորովին այլ բան է նախատեսված: Չեմ ուզում որևէ անմեղության կանխավարկածը խախտել, բայց այս ճանապարհին Հանրապետականները, կարծես, անցել են ոչ միայն տրամաբանության ու բարոյականության, այլև Քրեական օրենսգրքի սահմանը»,- հավելեց նա:
Փաշինյանի խոսքով՝ որպեսզի Հրայր Թովմասյանը ՍԴ նախագահ ընտրվի ԱԺ-ի կողմից 17 տարի ժամկետով, Գագիկ Հարությունյանին, որին արդեն շնորհել էին ԲԴԽ նախագահի կարգավիճակը, համոզում են հրաժարական տալ մարտի սկզբին՝ իր պաշտոնավարման ժամկետի ավարտից 20 օր առաջ, որպեսզի Հրայր Թովմասյանը կարողանա ցմահ ՍԴ նախագահ ընտրվել ԱԺ-ի՝ 2018 թվականի մարտի 20-ին մեկնարկող հերթական նիստում, որը նոր Սահմանադրությունն ուժի մեջ մտնելուց առաջ ԱԺ-ի վերջին հերթական նիստն էր: Բացի այդ, ըստ վարչապետի, սխալ ամսաթվով են գրանցում նաև Գագիկ Հարությունյանի հրաժարականի դիմումը:
«Այս դրվագով ՀՔԾ-ում քրեական գործ է հարուցված, բայց իմ քաղաքական գնահատականը միանշանակ է. այս կեղծիքով և ընդհանրապես այս ողջ պատմությամբ թույլ է տրվել իշխանության յուրացում»,- հայտարարեց Նիկոլ Փաշինյանը:
Մանրամասները՝ տեսանյութում:
