18.10.2026 | 13:43
Օդի ջերմաստիճանը կնվազի
Դոնալդ Թրամփի իմպիչմենթը տապալվեց. ՏԵՍԱՆՅՈՒԹ
Քաղաքականություն
06.02.2020 | 15:52
ԱՄՆ նախագահ Դոնալդ Թրամփի իմպիչմենթի գործընթացքը տապալվեց, հակառակ դեպքում՝ նա ստիպված կլիներ լքել նախագահի պաշտոնը:
ԱՄՆ պատմության մեջ Թրամփը երրորդ նախագահն էր, որին իմպիչմենթի էին ենթարկում։
Գործընթացը մեկնարկել էր 2019-ի սեպտեմբերի 24-ին։
Նախաձեռնողը ներկայացուցիչների պալատի խոսնակ Նենսի Փելոսին էր։ Դոնալդ Թրամփին մեղադրում էին Կոնգրեսի աշխատանքը խոչընդոտելու և իշխանությունը չարաշահելու համար։ Նրան նաև մեղադրում էին հեռախոսազրույցի ընթացքում Ուկրաինայի նախագահ Վլադիմիր Զելենսկու վրա ճնշում գործադրելու համար։
Նշվում էր, թե Թրամփը Զելենսկուն ստիպել է ԱՄՆ նախագահական ընտրություններում իր հավանական մրցակից Ջո Բայդենի որդու դեմ հետաքննություն սկսել։
Ջո Բայդենի որդին տարիներ առաջ Ուկրաինայում բիզնես գործունեություն է ծավալել։
Թրամփն արձագանքել էր իր իմպիչմենթի գործընթացին՝ այն անվանելով պետական հեղաշրջում։ «Նրանք փորձում են ինձ կանգնեցնել, քանի որ ես ձեզ համար եմ պայքարում»,- ասել էր նա։
Նոյեմբերի 20-ին ցուցմունք տվեց փոխգնդապետ Ալեքսանդր Վինդմանը, որը ներկա էր եղել Թրամփ-Զելենսկի հեռախոսազրույցին։ Նրա խոսքով՝ Թրամփը չէր կարող օտար պետության կառավարությունից պահանջել հետաքննել ԱՄՆ-ի քաղաքացու գործողությունները։
Դեկտեմբերի 18-ին ԱՄՆ Ներկայացուցիչների պալատը 230 կողմ և 197 դեմ ձայնով հաստատեց իմպիչմենթը: Ամիսներ տևած լսումներից հետո 2020-ի փետրվարի 6-ին Սենատում քվեարկություն նշանակվեց ։ Թրամփի մեղադրանքին կողմ քվեարկեց 48 սենատոր, մինչդեռ անհրաժեշտ էր 100 սենատորից 67-ի ձայնը։
Մանրամասները՝ տեսանյութում։
Նելլի Մելքոնյան
