30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Brexit-ն ուժեղացրել է ԵՄ-ում Ֆրանսիայի և Գերմանիայի ազդեցությունը
Քաղաքականություն
06.02.2020 | 15:29
Եվրամիությունից Մեծ Բրիտանիայի դուրս գալու հետևանքով կառույցում ուժերի հավասարակշռությունը փոխվել է՝ ուժեղացնելով Ֆրանսիայի և Գերմանիայի ազդեցությունը և Լոնդոնի մերձավոր դաշնակիցներին զրկելով քաղաքական կշիռից այս կամ այն օրենսդրական նախաձեռնությունն ընդունելու կամ արգելափակելու ժամանակ: Այս մասին գրում է ՏԱՍՍ-ը՝ վկայակոչելով բրիտանական Financial Times պարբերականը:
Պարբերականը նշում է, որ Brexit-ի ֆոնին մի շարք երկրներ միավորել են ջանքերը, որպեսզի Բրյուսելից պահանջեն չուռճացնել ԵՄ-ի բյուջեն:
«Մենք հիմնականում հենց դրանով ենք զբաղվել վերջին երեք տարիներին. զրուցել ենք մյուս 26 երկրների հետ և պարզել, թե որտեղ կարող ենք միանման հայացքներ ունենալ»,- ասել է պարբերականի դիվանագիտական աղբյուրը:
Ըստ պարբերականի՝ Կենտրոնական և Արևելյան Եվրոպայի պետություններն իրենց հերթին մտահոգված են, որ Brexit-ը կհանգեցնի Ռուսաստանի հանդեպ դիրքորոշման մեղմացման: Ֆրանսիան, հոդվածի համաձայն, Ֆինլանդիայի և Իտալիայի աջակցությամբ ձգտում է բարելավել հարաբերությունները Մոսկվայի հետ:
