19.06.2026 | 11:33
«Ուժեղ Հայաստան»-ը ՍԴ-ից պահանջում է անվավեր ճանաչել ԱԺ ընտրությունների արդյունքները կամ նշանակել երկրորդ փուլ
Կորոնավիրուսի զոհերի թիվը 563-ի է հասել
Քաղաքականություն
06.02.2020 | 14:01
Չինաստանի տարածքում նոր կորոնավիրուսով վարակվածների թիվը հասել է 28 հազարի։ Մահացության դեպքերը 563-ն են։ Այս մասին հայտնում է AlJazeera-ն։
Աղբյուրի փոխանցմամբ՝ մահացության դեպքերը հիմնականում Հյուբեի նահանգում են, որտեղ էլ վարակը բռնկվել էր։
Չինաստանի Առողջապահական հանձնաժողովի տվյալներով՝ փետրվարի 5-ից 6-ն ընկած ժամանակահատվածում զոհերի թիվը 73 է կազմել։
Հիշեցնենք, որ կորոնավիրուսով վարակման առաջին դեպքը գրանցվել էր 2019-ի դեկտեմբերին՝ չինական Ուհան քաղաքում։ Այժմ վարակակիրներ հայտնաբերվել են ավելի քան 20 երկրում՝ ներառյալ Ավստրալիան, ԱՄՆ-ն, Մեծ Բրիտանիան, Իտալիան, Ֆրանսիան, Բելգիան, Գերմանիան, Ուկրաինան, Ռուսաստանը և Մալազիան։
Նշենք, որ Հայաստանի տարածքում կորոնավիրուսով վարակման դեպք առայժմ չի գրանցվել։ Փետրվարի 3-ին Հայաստանը ձեռք է բերել վարակի ստուգման համար նախատեսված թեստերը։
Նելլի Մելքոնյան
