20.01.2026 | 22:24
Թուրքիայի քրդամետ կուսակցությունը հայտարարում է Սիրիայում քրդերի դեմ ցեղասպանության մասին՝ մեղադրելով Անկարային
Ո՞ր պատգամավորներն են բացակայում ԱԺ արտահերթ նիստից
Քաղաքականություն
06.02.2020 | 13:36
Ազգային ժողովի արտահերթ նիստում քննարկման է ներկայացվել «Իմ քայլը» խմբակցության 37 պատգամավորների հեղինակած Սահմանադրության փոփոխությունների նախագիծը, որով իշխող ուժը փորձում է ՍԴ նախագահ Հրայր Թովմասյանի և ՍԴ անդամների լիազորությունները դադարեցնել:
Այս նիստը անցնում է բավականին թեժ մթնոլորտում: «Լուսավոր Հայաստան» և «Բարգավաճ Հայաստան» խմբակցությունների պատգամավորները հայտարարում են, որ նիստը ընթանում է ԱԺ կանոնակարգի խախտումներով: Բանն այն է, որ ըստ Էդմոն Մարուքյանի, նախագծի համար գլխադասային հանձնաժողով չի նշանակվել, որը և պետք է եզրակացությամբ հանդես գար:
ԱԺ նախագահ Արարատ Միրզոյանն արձագանքեց` Պետական-իրավական հարցերի մշտական հանձնաժողովը նշանակվել է գլխադասային, պարզապես չի հասցրել եզրակացությամբ հանդես գալ, քանի որ նիստն արտահերթ է հրավիրված:
Նշենք, որ նիստին կան նաև բացակա պատգամավորներ: Մասնավորապես, նիստին չեն մասնակցում ԲՀԿ խմբակցության ղեկավար Գագիկ Ծառուկյանը, ԲՀԿ-ական պատգամավորներ՝ Վարդան Ղուկասյանը, Տիգրան Ուրիխանյանը, Քաջիկ Գևորգյանը, Էդուարդ Բաբայանը, Դավիթ Մանուկյանը:
«Իմ քայլը» խմբակցությունից բացակայում են՝ Թագուհի Թովմասյանը (գտնվում է ֆիզարձակուրդում), իսկ ԼՀԿ-ից՝ Մանե Թանդիլյանն ու Կարեն Սիմոնյանը:
Բացակա պատգամավորների մասին տեղեկությունը Factor.am-ին տրամադրել են ԱԺ նիստերի ապահովման բաժնից:
Նարեկ Կիրակոսյան
