02.10.2026 | 12:14
Ցրտահարության վտանգ․ Շիրակում, Լոռիում և ևս 3 մարզերում ջերմաստիճանը կնվազի մինչև -2°C
Մի՛ առաջնորդվեք անձնական, կլանային շահերով․ Սուրեն Պապիկյանը՝ համայնքների խոշորացման մասին. ՏԵՍԱՆՅՈՒԹ
Քաղաքականություն
06.02.2020 | 13:44
Կառավարության նիստի ժամանակ քննարկվեց «Հայաստանի Հանրապետության վարչատարածքային բաժանման մասին» Հայաստանի Հանրապետության օրենքում փոփոխություններ և լրացումներ կատարելու մասին» և «Տեղական ինքնակառավարման մասին» Հայաստանի Հանրապետության օրենքում լրացում և փոփոխություն կատարելու մասին» Հայաստանի Հանրապետության օրենքների նախագծերի փաթեթին հավանություն տալու մասին հարցը։
Տարածքային կառավարման և ենթակառուցվածքների նախարար Սուրեն Պապիկյանը տեղեկացրեց, որ խոշորացված համայնքներ են ստեղծվելու Լոռու և Տավուշի մարզերում։
«Այսպիսով, առաջարկվող ծրագրերում ներգրավված է լինելու թվով 21 համայնք, որոնց միավորման արդյունքում ձևավորվելու է թվով 2 համայնք»,- տեղեկացրեց Սուրեն Պապիկյանը։
Նա նաև նշեց, որ եթե որևէ համայնքում խնդիր է առաջանում և համայնքը չի ցանկանում միավորվել, ձևավորվում է նախաձեռնող խումբ, որն իրականացնում է ստորագրահավաք, համայնքի ընտրողների 20 տոկոսի ստորագորությունն ունենալու պարագայում դիմում է համայնքապետարան։
«Համայնքապետարանը, եթե ի վիճակի է ֆինանսապես իրականացնել հանրաքվե, ապա դիմում է համապատասխան մարմիններին և տեղի է ունենում հանրաքվե իրականացնելու նրանց ցանկությունը»,- ասաց Պապիկյանը։
Նախարարը կոչ արեց հանրությանը այս պրոցեսին վերաբերվել այնպես, ինչպես կվերաբերվի ՀՀ պատասխանատու քաղաքացին, իր համայնքի համար պատասխանատու քաղաքացին։
«Չառաջնորդվել նեղ, անձնական, ազգակցական, այսպես ասած, կլանային շահերով, այլ առաջնորդվել համայնքի և պետության շահերով»,- նշեց Պապիկյանը։
Մանրամասները՝ տեսանյութում։
