28.06.2026 | 13:32
Արման Եղոյանը և Արուսյակ Ջուլհակյանը ԱԺ փոխնախագահ դառնալու ցանկություն ունեն. առայժմ հայտնի է 4 թեկնածուի մասին
«Առաջին ալիքը» կսկսի վճարովի գովազդներ հեռարձակել
05.02.2020 | 23:18
Հանրային հեռուստաընկերության «Առաջին ալիքը» կսկսի գովազդների հեռարձակումը: Արդարադատության նախարարությունը «Հեռուստատեսության և ռադիոյի մասին» օրենքում փոփոխություններ է նախաձեռնել, որոնց համաձայն «Առաջին ալիքը» մեկ եթերային ժամվա ընթացքում մինչև 5 րոպե տևողությամբ գովազդ կհեռարձակի:
Նախագծում նշվում է, որ մշակութային, ուսումնական, գիտակրթական և սպորտային հեռուստահաղորդումների ցուցադրման ժամանակ «Առաջին ալիքը» կարող է ցուցադրել հովանավորների մասին գովազդներ:
Հիշեցնենք, որ 2014 թվականի փոփոխություններով «Առաջին ալիքը» զրկվեց առեւտրային գովազդներից: Շրջանառվող նախագծում նշվում է, որ այս փոփոխությունը բացասաբար է անդրադարձել ՀԸ-ի բյուջեի վրա եւ կառավարությունը ստիպված է եղել լրացնել պակասորդը:
Օրենքի նախագծի փոփոխությունն ընդգրկված է կառավարության վաղվա նիստի օրակարգ:
2014-ին, երբ «Հեռուստատեսության և ռադիոյի մասին» օրենքի փոփոխությունների արդյունքում «Առաջին ալիքը» զրկվեց գովազդների հեռարձակումներից, մեդիադաշտում ոչ պաշտոնապես տեղեկություն շրջանառվեց, որ դա արվել է Սերժ Սարգսյանի փեսա Միքայել Մինասյանի ցանկությամբ՝ գովազդները «ՊանԱրմենիան» Մեդիա Գրուպի կազմի ՀԸ-ներ տեղափոխելու համար: Հիշեցնենք, որ վերջինիս անվան հետ կապվող «ՊանԱրմենիան» Մեդիա Գրուպի մաս կազմող լրատվամիջոցները իշխանափոխությունից հետո բաժանվեցին նրա մերձավորների միջեւ:
Նարեկ Կիրակոսյան
