14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Ռուս-թուրքական լարվածության ֆոնին Էրդողանի ու Պուտինի միջև հեռախոսազրույց է եղել
Քաղաքականություն
05.02.2020 | 12:17
Սիրիայի Իդլիբ նահանգում ստեղծված իրավիճակի թեմայով նախօրեին հեռախոսազրույց է եղել Թուրքիայի և Ռուսաստանի նախագահների միջև։ Էրդողանը մտահոգություն է հայտնել Սիրիայի կառավարական ուժերի կողմից թուրք զինվորների դեմ իրականացված հարձակման կապակցությամբ։ Նա նշել է, որ դրանով վնաս է հասցվել Սիրիայում խաղաղություն հաստատելուն միտված ռուս-թուրքական համատեղ ջանքերին. գրում է ermenihaber-ը:
Թուրքիայի նախագահը նաև նշել է, որ Անկարան շարունակելու է պատասխանել նմանատիպ հարձակումներին՝ լիարժեքորեն օգտագործելով իր ինքնապաշտպանության իրավունքը։
Հեռախոսազրույցի մասին հայտարարություն է տարածել նաև Կրեմլը։ Ըստ ռուսական կողմի՝ Վլադիմիր Պուտինը մտահոգություն է հայտնել, որ Իդլիբում աճել է ահաբեկիչների ակտիվությունը։ Նա կարևորել է երկու երկրների պաշտպանության նախարարների կողմից անհրաժեշտ միջոցների ձեռնարկումը, որպեսզի բարձրացվի Սիրիայում համատեղ համակարգման աշխատանքների արդյունավետությունը:
Նշվում է, որ երկու երկրների ղեկավարները քննարկել են նաև Լիբիայում տիրող իրավիճակը։
Հիշեցնենք, որ Թուրքիայի պաշտպանության նախարարության փոխանցմամբ` Սիրիայի կառավարական ուժերի կողմից փետրվարի 3-ին Իդլիբում իրականացված ինտենսիվ հրետակոծության հետևանքով սպանվել էր Թուրքիայի բանակի 8 զինծառայող։
