31.08.2026 | 15:33
Տնակների քանդման վայրից երկու անձ բերման է ենթարկվել, նրանցից մեկը կոտրել է ոստիկանական մեքենայի ապակին
Հունվարի 28-ին տեղի է ունեցել «Սանասարյան հանի» վարձակալության մրցույթը
03.02.2020 | 22:44
Ստամբուլում գտնվող «Սանասարյան հան» (Սանասարյան տուն) անշարժ գույքը, որը ժամանակին պատկանել է հայ համայնքին, 35 տարի ժամկետով վարձակալության է տրվել: Գույքը, որը ներկայումս գրանցված է Թուրքիայի հիմնադրամների գլխավոր վարչության հաշվեկշռում և որի սեփականության հարցը Պոլսի հայոց պատրիարքարանը վիճարկում է այդ երկրի Սահմանադրական դատարանում, վարձակալության է հանվել հունվարի 28-ին: Վարձակալության մրցույթը կայացել է փակ դռների հետևում:
Հրապարակման մեջ նշվում է, որ մրցույթում շահել է «Gap-San Eserler İnşaat» կազմակերպությունը, որը հիմնադրամների գլխավոր վարչությանը պետք է տարեկան 3 մլն թուրքական լիրա վճարի:
Թուրքական պատկան մարմինները դեռևս պաշտոնապես չեն հայտարարել գործարքի մասին, քանի որ հիմնադրամների տարածքային վարչությունը մրցույթի արդյունքները դեռ չի հաստատել:
