26.09.2026 | 20:38
Քաղաքացին ընկել է ջրհորը. նա հոսպիտալացվել է
Արման Խոջոյանը նշանակվել է ՀՀ էկոնոմիկայի նախարարի տեղակալ
Քաղաքականություն
03.02.2020 | 12:17
ՀՀ վարչապետի աշխատակազմից տեղեկացնում են, որ վարչապետ Նիկոլ Փաշինյանի որոշմամբ Արման Խոջոյանը նշանակվել է ՀՀ էկոնոմիկայի նախարարի տեղակալ:
«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 1-ին մասով՝ Արման Խոջոյանին նշանակել էկոնոմիկայի նախարարի տեղակալ»,- ասված է որոշման մեջ։
ՀՀ էկոնոմիկայի նախարարությունից ներկայացրել են նորանշանակ փոխնախարարի կենսագրական տվյալները։
Կրթություն
2017–2019թթ.՝ Մեծ Բրիտանիայի կառավարման հավատարմագրված ինստիտուտ, «Կառավարում և առաջնորդություն»
2010-2013թթ.՝ Հայաստանի պետական ագրարային համալսարան, Գյուղատնտեսական գիտությունների թեկնածուի գիտական աստիճան
2011թ․՝ Այովայի և Միսսուրիի համալսարան, ԱՄՆ, «Սննդի անվտանգություն», Քոքրանի ծրագիր
2010թ․՝ IGA ինստիտուտ, ԱՄՆ, «Սուպերմարկետների կառավարում»
2008-2010թթ.՝ Հայաստանի պետական ագրարային համալսարան, «Ագրոբիզնես և շուկայաբանություն» մասնագիտություն, մագիստրոսի աստիճան
2004-2008թթ.՝ Ագրոբիզնեսի ուսուցման կենտրոն, «Տեխասի Էյ ընդ Էմ» համալսարանի և Հայաստանի պետական ագրարային համալսարանի համատեղ ծրագիր, «Տնտեսագիտություն» մասնագիտություն, բակալավրի աստիճան
Աշխատանքային գործունեություն
05.2019-02․2020թթ․՝ ՀՀ Էկոնոմիկայի նախարարություն, «Համայնքների գյուղատնտեսական ռեսուրսների կառավարման և մրցունակության երկրորդ» և «Գյուղատնտեսական քաղաքականության մոնիթորինգի և գնահատման կարողությունների բարձրացման» ծրագրերի ղեկավար
2009-05․2019թթ․՝ «Ագրոբիզնեսի և գյուղի զարգացման կենտրոն» հիմնադրամ, զարգացման ծրագրերի ղեկավար
2010-05․2019թթ․՝ “ՔԱՐԴ Ագրոսերվիս” ՓԲԸ, վերամշակման ոլորտի ղեկավար
Ազատ տիրապետում է անգլերենին և ռուսերենին։
5 գիտական հոդվածի հեղինակ է։
