11.02.2026 | 23:36
Քարաթափումներ Երևան-Մեղրի ավտոճանապարհին. վնասվել են ավտոմեքենաներ
Զարեհ Սինանյանը և Հայկ Ենգիբարյանը կմեկնեն Վրաստան
Քաղաքականություն
31.01.2020 | 11:51
ՀՀ վարչապետ Նիկոլ Փաշինյանի որոշմամբ՝ Սփյուռքի գործերի գլխավոր հանձնակատար Զարեհ Սինանյանը և սփյուռքի գործերի գլխավոր հանձնակատարի գրասենյակի համահայկական ծրագրերի վարչության գիտակրթական ծրագրերի բաժնի պետ Հայկ Ենգիբարյանը կմեկնեն Վրաստան։
«Ղեկավարվելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասով` 1. Սփյուռքի գործերի գլխավոր հանձնակատար Զարեհ Ջոն Սինանյանին և սփյուռքի գործերի գլխավոր հանձնակատարի գրասենյակի համահայկական ծրագրերի վարչության գիտակրթական ծրագրերի բաժնի պետ Հայկ Ենգիբարյանին 2020 թվականի հունվարի 31-ից մինչև փետրվարի 5-ը ներառյալ գործուղել Վրաստան (հունվարի 31-ից մինչև փետրվարի 4-ը՝ Թբիլիսի, փետրվարի 4-5-ը ներառյալ՝ Ախալքալաք, Ախալցխա, Նինոծմինդա քաղաքներ) հայկական համայնքային կառույցների ներկայացուցիչների, գործարար շրջանակների, մշակույթի գործիչների, լրագրողների հետ հանդիպելու և հետագա համագործակցության ուղիները քննարկելու նպատակով: 2. Զարեհ Ջոն Սինանյանի և Հայկ Ենգիբարյանի՝ գործուղման ավիատոմսի (Երևան-Թբիլիսի), գիշերակացի (4 գիշեր Թբիլիսիում, 1 գիշեր Ախալցխայում) և օրապահիկի հետ կապված ծախսերը կատարել Հայաստանի Հանրապետության 2020 թվականի պետական բյուջեով նախատեսված Հայաստանի Հանրապետության վարչապետի աշխատակազմի պահպանման ծախսերում արտասահմանյան գործուղումների համար նախատեսված միջոցների հաշվին: 3. Սփյուռքի գործերի գլխավոր հանձնակատար Զարեհ Ջոն Սինանյանին և համահայկական ծրագրերի վարչության գիտակրթական ծրագրերի բաժնի պետ Հայկ Ենգիբարյանին՝ Վրաստան գործուղումից վերադառնալուց հետո եռօրյա ժամկետում վարչապետի աշխատակազմ ներկայացնել գործուղման արդյունքների մասին հաշվետվություն: 4. Ընդունել ի գիտություն, որ Թբիլիսի-Երևան ճանապարհածախսը հոգում է հրավիրող կողմը»,- նշված է վարչապետի որոշման մեջ:
