24.11.2024 | 12:19
Ռումինիայում նախագահական ընտրություններ են
Կատալոնիայի խորհրդարանը հոկտեմբերի 26-ին կքննարկի շրջանի անկախության հռչակումը
Քաղաքականություն
23.10.2017 | 16:40
Կատալոնիայի խորհրդարանի նիստը, որում կարող է հռչակվել շրջանի անկախությունը, նշանակված է հոկտեմբերի 26-ին, հաղորդում է ria.ru-ն՝ հղում անելով El Pais-ին: Այս որոշումն ընդունվել է երկուշաբթի օրը՝ խորհրդարանի նախագահական կազմի նիստի ժամանակ:
Իսպանիայի կառավարությունը հոկտեմբերի 21-ին տեղի ունեցած արտահերթ նիստի ժամանակ որոշում է ընդունել կիրառել Սահմանադրության 155-րդ կետը՝ Կատալոնիայում ճգնաժամը լուծելու նպատակով:
Վերոնշյալ որոշումը ենթադրում է, որ Կատալոնիայի կառավարությունը կլուծարվի, խորհրդարանական արտահերթ ընտրություններ կանցկացվեն ոչ ուշ, քան 6 ամիս անց: Իսկ մինչ այդ, Ժեներալիտետի՝ Կատալոնիայի ղեկավարության գործառույթները պետք է կատարեն կենտրոնական իշխանության ներկայացուցիչները: Այս որոշումները, սակայն, պետք է հաստատի Իսպանիայի սենատը՝ հոկտեմբերի 27-ին կայանալիք նիստի ժամանակ:
Ժեներալիտետի ղեկավար Կառլես Պուչդեմոնը Իսպանիայի այս որոշումն անվանել է Կատալոնիային «ստորացնող» և դեմոկրատիայի վրա հարձակում գործող:
