20.01.2026 | 19:21
Դավթաշենում գտնվող ավտոտեխսպասարկման կետում ավտոմեքենա է այրվել
Ղազախստանում շահագործվող հայկական և ղրղզական համարանիշերով մեքենաների տերերին մինչև 2021թ. մարտ ժամանակ է տրվել
Քաղաքականություն
30.01.2020 | 14:30
2020 թվականի փետրվարի 1-ից օտարերկրյա համարանիշերով ավտոմեքենա ունեցող Ղազախստանի քաղաքացիները հնարավորություն կունենան իրենց տրանսպորտային միջոցը ժամանակավոր գրանցել երկրում՝ մինչև 2021 թվականի մարտի 1-ը հետաձգելով մաքսատուրքի վճարումը: Այս մասին գրում է tengrinews.kz-ն:
Նշենք, որ ԵՏՄ երկրներից Ղազախստան ներմուծված և օտարերկրյա քաղաքացիների պատկանող մեքենաներն այդ երկրի քաղաքացիները կարող են շահագործել հավաստագրով: Բացառություն են 2014 թվականի հունվարի 1-ից մինչև 2020 թվականի հունվարի 1-ը Հայաստանից կամ Ղրղզստանից ներմուծված մեքենաները: Դրանք ներմուծվել են մաքսատուրքի արտոնյալ դրույքաչափով և չեն կարող վերահավաստագրվել:
Նշված ժամանակահատվածում Հայաստանից և Ղրղզստանից ներմուծված ավտոմեքենաների մաքսազերծումը Ղազախստանում բավական թանկ կարժենա՝ 2-ից մինչև 7 մլն տենգե (4.200-ից 18.500 դոլար):
Ավելի վաղ Ղազախստանի ՆԳՆ-ն հայտարարել էր, որ ավելի քան մեկ տարի երկրում գտնվող հայկական և ղրղզական համարանիշերով ավտոմեքենաները կա՛մ պետք է հեռացվեն երկրից, կա՛մ գրանցվեն: Իրավապահների այս հայտարարությունը լայն արձագանք էր գտել ավտովարորդների շրջանում:
Օտարերկրյա համարանիշերով մեքենաների տերերը պատրաստվում են վաղը՝ հունվարի 31-ին հավաքներ անցկացնել Ղազախստանի 12 քաղաքներում:
