22.05.2026 | 23:30
Գորիսում «Լաստիխութ» կոչվող տարածքում երեխաներ են մոլորվել. փրկարարները հայտնաբերել են նրանց
Ռոհանին Թրամփի մերձավորարևելյան պլանը «դարի ատելի գործարք» է կոչել. Պաղեստինը բանաձև կներկայացնի ՄԱԿ
Քաղաքականություն
30.01.2020 | 11:55
Իրանի նախագահ Հասան Ռոհանին մերձավորարևելյան խաղաղությանը վերաբերող Դոնալդ Թրամփի պլանը «դարի ատելի գործարք» է կոչել: Այս մասին գրում է ԻՌՆԱ-ն:
«Բավական հիմա գործողություններ են: Դարի ամենաատելի գործարքն է»,- Twitter-ում գրել է Հասան Ռոհանին:
ԱՄՆ նախագահ Դոնալդ Թրամփը, հիշեցնենք, Սպիտակ տանը Իսրայելի վարչապետ Բենիամին Նեթանյահուի հետ հանդիպմանը հայտարարել է «դարի գործարք» անվանումով իր խաղաղության ծրագրի մասին:
ՌԻԱ Նովոստիի տվյալներով՝ նախատեսվում է պաղեստինյան Արևմտյան ափն առանձնացնել Հորդանանից, միաժամանակ, զգալիորենե ընդլայնել պաղեստինյան Գազայի հատվածը՝ եգիպտական սահմանի երկայնքով երկու խոշոր շրջան ավելացնելով: Թրամփի ներկայացրած «դարի գործարքով» սիրիական Գոլանի բարձունքները ներկայացվում են որպես Իսրայելի տարածք:
ՄԱԿ-ում ՌԴ մշտական ներկայացուցիչ Վասիլի Նեբեզդնյան «դարի գործարքի» հեղինակներին հիշեցրել է, որ Գոլանի բարձունքները Սիրիայի տարածք են:
Պաղեստինի ղեկավար Մահմուդ Աբբասը մերժել է պաղեստինա-իսրայելական խնդրի կարգավորման նոր ծրագիրը՝ հայտարարելով, որ պաղեստինցիները պնդում ենե 1967 թվականի սահմաններով իրենց պետության ճանաչումը՝ Երուսաղեմ մայրաքաղաքով:
Միաժամանակ, Պաղեստինը պատրաստվում է ՄԱԿ-ի Անվտանգության խորհուրդ բանաձև ներկայացնել, որը դատապարտում է ԱՄՆ-ի առաջարկած «դարի գործարքը», գրում է ՌԻԱ Նովոստին:
