Քաղաքականություն
29.01.2020 | 17:59Պաշտպանության նախկին նախարար Սեյրան Օհանյանը հերքում է պարբերաբար տարբեր անձանց կողմից արվող այն հայտարարությունները, թե 2016 թվականի ապրիլյան պատերազմը դավադրության արդյունք է եղել։ Այդ հարցով նա իր տեսակետը հայտնեց այսօր խորհրդարանում՝ լրագրողների հետ ճեպազրույցում։
Պատասխանելով դիտարկմանը, թե վարչապետ Նիկոլ Փաշինյանն է մի առիթով ասել, որ ապրիլյանը Ռուսաստանի հետ պայմանավորվածության արդյունք էր՝ Օհանյանը նշեց, թե դա պետք է վարչապետին հարցնել։
Իսկ վարչապետի այն պնդմանը, թե տարածքների հանձնման հարցով որոշակի գործընթաց է եղել երրորդ նախագահ Սերժ Սարգսյանի պաշտոնավարման ընթացքում՝ Սեյրան Օհանյանն ասաց. «Ինձ հետ տարածքների հանձնման հարց երբեք որևէ մեկը չի քննարկել»։
Մանրամասները՝ տեսանյութում:
Մերի Մարտիրոսյան
