14.12.2025 | 18:20
Թաիլանդն ու Կամբոջան շարունակում են ռազմական գործողությունները
Իմ Արմենակը նոր օթևան ունի․ Ուրֆանյանի մայրը՝ լսարանի մասին. ՏԵՍԱՆՅՈՒԹ
Հասարակություն
28.01.2020 | 18:29
Այսօր Հայրենիքի պաշտպանի վերականգնողական կենտրոնում բացվեց Ապրիլյան քառօրյա պատերազմի հերոս Արմենակ Ուրֆանյանի անվան լսարան։
«Իմ Արմենակը նոր օթևան ունի»,- միջոցառումից հետո լրագրողների հետ զրույցում ասաց Ուրֆանյանի մայրը՝ Համեստ Ուրֆանյանը։ Իսկ ապրիլին կենտրոնի այգում բալենի է տնկվելու, որն Արմենակ Ուրֆանյանի սիրելի ծառն է եղել։ Համեստ Ուրֆանյանը պատմեց, որ որդին բալ շատ է սիրել։ «Ծառն ընտանիքի խորհրդանիշ է։ Արմենակի ընտանիքը չշարունակվեց․․։ Ես սիրում եմ բույսեր մշակել, այդտեղ զգում եմ Արմենակի շունչը»,- ասաց նա։
Ուրֆանյանի մայրը պատմեց նաև, որ Սուրբ Վալենտինի տոնի առթիվ որդին ցանկացել է ընկերուհուն վարդեր նվիրել, բայց ինքը խորհուրդ է տվել տնային ծաղիկներ տալ, քանի որ վարդերը շուտ են թոշնում։ Համեստ Ուրֆանյանը նշեց, որ այդ ծաղիկները մինչև այժմ կան։
Մանրամասները՝ տեսանյութում:
Մերի Մարտիրոսյան
