10.08.2026 | 16:09
Երբ պատգամավորն ասում է՝ ուզում եմ հայ զինվորը մեռնի, քննարկելի՞ է էթիկայի հանձնաժողովում․ Ռուբինյան. ՏԵՍԱՆՅՈՒԹ
Լեգենդար բասկետբոլիստի վթարված ուղղաթիռի օդաչուն հայ է եղել
27.01.2020 | 13:25
Ամերիկացի լեգենդար բասկետբոլիստ Քոբի Բրայանթի վթարված ուղղաթիռի օդաչուն հայազգի Արա Զոբայանն է եղել։ Նա ևս մահացել է։ Այս մասին հայտնում է Daily Mail-ը։
Հիշեցնենք, որ այսօր Լոս Անջելեսի մոտակայքում սեփական ուղղաթիռի վթարի հետևանքով 41 տարեկանում զոհվել է ամերիկացի բասկետբոլիստ Քոբի Բրայանթը։ Նրանից բացի զոհվել է ևս 8 մարդ, այդ թվում՝ 13-ամյա դուստրը՝ Ջիանան։
Նշենք, որ Քոբի Բրայանթը պրոֆեսիոնալ բասկետբոլիստի կարիերան ավարտել է 2016 թվականին: Նա հինգ անգամ «Լոս Անջելես Լեյքերս»-ի կազմում դարձել է NBA չեմպիոն, 2008 ճանաչվել էր NBA-ի ամենաարժեքավոր բասկետբոլիստը: ԱՄՆ հավաքականի հետ երկու անգամ դարձել է Օլիմպիական խաղերի չեմպիոն:
