Քաղաքականություն
25.01.2020 | 12:57
Թուրքիայի արևելքում տեղի ունեցած երկրաշարժի հետևանքով զոհվել է առնվազն 20 մարդ, 1015-ից ավելին վնասվածքներ են ստացել: Այս մասին հայտնել է երկրի առողջապահության նախարար Ֆահրեթին Քոջան. հաղորդում է Անադոլու գործակալությունը:
Թուրքիայի Արտակարգ իրավիճակների և տարերային աղետների վարչության տվյալներով՝ 6,8 մագնիտուդով երկրաշարժը գրանցվել է ուրբաթ, տեղական ժամանակով 20:55-ին Էլյազըղ արևելյան նահանգում, որի բնակչությունը կազմում է մոտ 400 հազար բնակիչ:
Տարերքի օջախը, որը տարածվել էր նաև հարևան նահանգ Մալաթիայի վրա, 10 կմ խորության վրա էր: Ստորգետնյա ցնցումները զգացվել են երկրի շատ շրջաններում, այդ թվում՝ Իսրայելում, Իրաքում և Սիրիայում:
