18.04.2024 | 22:53
Թուրքիայում երկրաշարժից հետո փլուզումներ կան
Կապանում անհայտ անձինք պոկել են «Երկիր Ծիրանիի» քարոզչապաստառները
20.10.2017 | 19:37
«Երկիր Ծիրանի» կուսակցության Կապանի տարածքային կառույցի հայտարարությունը.
2017 թվականի նոյեմբերի 5-ի ՏԻՄ ընտրություններին մասնակցող «Երկիր Ծիրանի» կուսակցության Կապանի տարածքային կառույցը՝ նախընտրական քարոզչության ընթացքում առընչվում է խոչնդոտների: Մասնավորապես, անհայտ անձանց կողմից պոկվել են Կապան համայնքի ավագանու «Երկիր Ծիրանի» կուսակցության Կապանի տարածքային կառույցի կողմից առաջադրված թեկնածուներ Կարեն Ստեփանյանի և Դավիթ Հակոբյանի քարոզչական պաստառները:
Հաշվի առնելով, որ Հայաստանի Հանրապետական կուսակցությունը (ՀՀԿ) «Երկիր Ծիրանի» կուսակցության նկատմամբ սույն թվականի մայիսի 14-ից սկսած ծավալում է ապօրինի գործողություններ, որոնք զուգորդվել են բռնություններով, այս դեպքում ևս կասկածում ենք Հայաստանի Հանրապետական կուսակցությանը (ՀՀԿ), քանի որ հիմնականում միայն այդ կուսակցությունն է երկրով մեկ կատարում համատարած ապօրինություններ և մնում անպատիժ:
«Երկիր Ծիրանի» կուսակցության Կապանի կառույցը խստորեն դատապարտում է ապօրինի գործողությունները և պահանջում հայտնաբերել ու պատժել մեղավորներին` բացառելու համար նման գործողություններն ապագայում:
«Երկիր Ծիրանի» կուսակցության լրատվական ծառայություն
