15.05.2026 | 12:10
ՀՀ-ում ասիական հանցավոր խմբավորում է բացահայտվել // Ադրբեջանով 14 վագոն ցորեն է գալիս ՀՀ․ ԼՈՒՐԵՐ
Դո՛ւրս եկեք պետական կառավարման խորհուրդներից․ Նաիրա Զոհրաբյանը՝ «Իմ քայլի» պատգամավորներին. ՏԵՍԱՆՅՈՒԹ
Քաղաքականություն
24.01.2020 | 16:07
Պարոն նախարար, ես այնքան էի հավատացել Ձեր նախորդ հայտարարություններին, որ բուհերի խորհուրդները չպետք է լինեն քաղաքականացված, մտքովս չէր անցնում, որ ձեր քաղաքական թիմի որևէ անդամ, որևէ քաղակտիվիստ բուհերի կառավարման խորհուրդներում այլևս ներկայացված են։
Այս մասին ԱԺ-ում, դիմելով ԿԳՄՍ նախարար Արայիկ Հարությունյանին, ասաց «Բարգավաճ Հայաստան» խմբակցության պատգամավոր Նաիրա Զոհրաբյանը։
«Չասեք, որ չեք քաղաքականացնելու խորհուրդները, որովհետև ձեր ներկայությունը, ձեր քաղաքական թիմի, պատգամավորների ներկայությունը բուհական խորհուրդներում արդեն քաղաքականացրել է այդ խորհուրդները»,- ասաց Զոհրաբյանը։
Նա կոչով դիմեց «Իմ քայլի» այն պատգամավորներին, որոնք ներկայացված են այս կամ այն բուհի կառավարման խորհրդում, և ասաց․ «Մի՛ արեք, մի՛ կրկնեք նախորդների սխալները, դուրս եկեք պետական կառավարման խորհուրդներից»։
Հիշեցնենք, որ ԱԺ-ում քննարկվում է Կառավարության կողմից ներկայացված Հանրակրթության մասին ՀՀ օրենքում լրացումներ և փոփոխություններ կատարելու մասին և Երևան քաղաքում տեղական ինքնակառավարման ՀՀ օրենքում լրացում կատարելու մասին օրենքների նախածերի փաթեթը։
Մանրամասները՝ տեսանյութում։
Արմինե Ալոյան
