03.06.2026 | 20:00
Զորամասից՝ տեղամաս․ ինչպես են քվեարկելու զինծառայողները. ՏԵՍԱՆՅՈՒԹ
Կոռուպցիայի դեմ պայքարում անհրաժեշտ է հանրության կողմից չհանդուրժելու մթնոլորտ. Պյոտր Սվիտալսկի
20.10.2017 | 19:28
Այսօր Երևանում Եվրոպական միության պատվիրակության և «Իմփաքթ Հաբ» Երևանի նախաձեռնությամբ կայացավ «(Հակա)Կոռուպցիայի արվեստը» պոստերային ցուցահանդեսը: Ցուցադրված լուսանկարներից ամեն մեկն իր ձևով ներկայացնում էր Հայաստանում առկա վիճակն ու առաջարկում էր պայքարի իր ձևը:
«Կոռուպցիան իշխանության ածանցյալն է», «Արվեստը կոտրում է իշխանությունը», «Դարձիր արվեստագետ», այս և նմանատիպ բովանդակությամբ պաստառների հեղինակները նշում են, արվեստն էլ պայքարի մի ձև է և ցանկացած պայքար, ի վերջո, կարող է հանգեցնել նրան, որ մեր երկրում ընդհատվի կոռուպցիոն շղթան:
Բացմանը ներկա ԵՄ պատվիրակության ղեկավար, դեսպան Պյոտր Սվիտալսկին նշեց, որ կոռուպցիայի դեմ պայքարում հաջողության հասնելու համար հասարակության անհանդուրժողականությունն է անհրաժեշտ:
«Կոռուպցիայի դեմ պայքարում անհրաժեշտ են լավ օրենքներ և պետք է ասեմ, որ ՀՀ-ում ընդունվել է օրենսդրություն այդ ուղղությամբ: Անհրաժեշտ են մարմիններ և հիմա Հայաստանում նմանատիպ մարմինների ձևավորման գործընթաց է ընթանում, մեզ անհրաժեշտ է հանրության դիրքորոշում, հանրության կողմից չհանդուրժելու մթնոլորտ և արվեստն այդ ուղղությամբ կարող է լինել հզոր գործիք»,- նշեց ԵՄ դեսպանը:
Ցուցահանդեսի ավարտին չորս լավագույն նկարների հեղինակները մրցանակների արժանացան:
Լիլիթ Շաբոյան
