26.09.2026 | 20:38
Քաղաքացին ընկել է ջրհորը. նա հոսպիտալացվել է
Որոշ ուժեր չեն կարողանում համակերպվել հեղափոխության հետ և անում են ամեն ինչ արյուն թափելու համար․ Արման Բաբաջանյան. ՏԵՍԱՆՅՈՒԹ
Քաղաքականություն
23.01.2020 | 17:23
Դեռևս չպարզված անձը կրակոցներ է արձակել «Էրեբունի պլազա» հյուրանոցում։
Ըստ նախնական հաղորդագրության, բարեբախտաբար, տուժածներ չկան։ Տեղի ունեցածը խստորեն դատապարտելի է՝ անկախ կատարվածի շարժառիթից ու պատճառներից։ Այս մասին ԱԺ-ում իր ելույթի ժամանակ ասաց պատգամավոր Արման Բաբաջանյանը։
«Այս միջադեպը, բացի ուղղակի հանցագործություն լինելուց, օբյեկտիվորեն առաջացրել է քաղաքական քննարկումներ, քանի որ այդ նույն շենքում տեղակայված է Ռոբերտ Քոչարյանի գրասենյակը, ինչպես նաև նրա անվան հետ կապվող հեռուստաընկերությունը»,- նկատեց պատգամավորը։
Բաբաջանյանն ասաց, որ սա լրջագույն ահազանգ է։ «Ահազանգ է առաջին հերթին ՀՀ իրավապահ մարմիններին, ուժային կառույցներին, դատական իշխանությանը, որոնք շարունակում են իրենց անդեմ, անատամ գործունեությունը՝ պարարտ հող ստեղծելով Հայաստանում ընդհուպ ահաբեկչությանը շատ նման հանցագործությունների կատարման համար։ Այս կրակոցները պետք է սթափության ահազանգ լինեն Հայաստանի իրավապահ մարմինների համար»,- ասաց նա։
Բաբաջանյանը նշեց, որ 2018 թվականին ՀՀ-ում տեղի է ունեցել հեղափոխություն։
«Ըստ ամենայնի՝ Հայաստանի ներսում և Հայաստանից դուրս որոշ ուժեր չեն կարողանում համակերպվել այդ աննանխադեպ իրողության հետ և անում են ամեն ինչ արյուն թափելու համար։ Սա լրջագույն մարտահրավեր է Հայաստանի պետության և հասարակության առաջ»,- ասաց պատգամավորը։
Մանրամասները՝ տեսանյութում։
Արմինե Ալոյան
