18.10.2026 | 14:53
Կալանավորված անձանց պատժի ժամկետը հաշվարկելու կարգը կարող է փոխվել․ առաջարկվում է մեկ օրը հաշվել երկուսի փոխարեն
Փորձում ենք զսպել արտագաղթի միտումը հենց այս տարիքային շեմում․ Լիլիթ Մակունց. ՏԵՍԱՆՅՈՒԹ
Քաղաքականություն
23.01.2020 | 17:17
ԱԺ-ն քննարկում է «ՀՀ հարկային օրենսգրքում լրացումներ կատարելու մասին օրենքի» նախագիծը։ Նախագիծը հեղինակել են «Իմ քայլը» խմբակցության պատգամավորներ Լիլիթ Մակունցը և Սիսակ Գաբրիելյանը։ Նախագծով առաջարկվում է աշխատող ուսանողների ուսման վարձը վերադարձնել եկամտային հարկի տեսքով։
«Իմ քայլը» խմբակցության պատգամավոր Լիլիթ Մակունցը նկատեց, որ առաջարկված նախագծով կառավարությունը հնարավորություն կունենա սահմանել այն մասնագիտությունների գծով առաջնահերթությունը, որով ցանկանում է թե՛ բուհերում, թե՛ աշխատանքային շուկայում ունենալ ավելի մեծ ծանրաբեռնվածություն և աշխատանքային ու կրթական հոսքն ուղղել այդտեղ։
«Մեր կատարած վերլուծությունները ցույց են տալիս, նաև վիճակագրական տվյալներով, որ այն քաղաքացիները, երիտասարդ քաղաքացիները, ուսանողները, ովքեր գտնվում են հենց մագիստրատուրայի ուսանելի փուլում, նրանք ավելի շատ հակված են իրենց կրթությունը ստանալ եվրոպական և արևմտյան կրթական հաստատություններում, որոնք հնարավորություն են տալիս ոչ միայն անվճար սովորելու, այլև հետագայում հենց իրենց մասնագիտությամբ աշխատելու։ Հետևաբար մենք փորձում ենք զսպել նաև այդ առումով արտագաղթի միտումը հենց այս տարիքային շեմում»,- ընդգծեց Մակունցը։
Մանրամասները՝ տեսանյութում։
Արմինե Ալոյան
