17.10.2026 | 19:25
Հռոմի պապ Լևոն XIV-ը լքել է հիվանդանոցը՝ թոքի ուռուցքի հեռացման վիրահատությունից հետո
Առաջին կարևորության հարցը մեր հայրենակիցներին ի վերջո ՀՀ վերադարձնելն է. Զոհրաբ Մնացականյանը՝ Ադրբեջանում գտնվող հայ գերիների մասին. ՏԵՍԱՆՅՈՒԹ
Քաղաքականություն
23.01.2020 | 15:31
Հայաստանում և Ադրբեջանում գտնվող գերիներին հարազատների այցելությունների հարցն օրակարգային է, հուսով եմ՝ մենք կկարողանանք անհրաժեշտ ձևաչափ գտնել, որը հնարավորություն կտա նման մարդասիրական քայլն իրականացնել: Նիդերլանդների ԱԳ նախարար Ստեֆ Բլոկի հետ համատեղ ասուլիսում այս մասին ասաց ՀՀ ԱԳ նախարար Զոհրաբ Մնացականյանը:
«Սա, բնականաբար, մարդասիրական քայլ է, մարդասիրական նախաձեռնություն է: Բացի այդ՝ հուսով եմ, որ սա նաև իր դերն ունի փոխվստահության միջոցների համատեքստում»,- հավելեց նախարարը:
Զոհրաբ Մնացականյանը, միաժամանակ, ընդգծեց, որ սա զգայնություն ունեցող հարց է. «Զգայնություն նաև այն առումով, որ այստեղ ներգրավված են մարդիկ, մասնավորապես՝ մեկը, որ կատարել է ոճրագործություն, և մյուս կողմից՝ մեզ համար չափազանց զգայուն է և ցավալի պահ է, որ մենք ունենք հայրենակիցներ, որոնք հայտնվել են այդ իրավիճակում»:
Ամեն պարագայում, ըստ ԱԳ նախարարի, մեզ համար առաջնային կարևորության հարցերից է մեր հայրենակիցներին, ի վերջո, Հայաստան վերադարձնելը:
Մանրամասները՝ տեսանյութում:
