26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
«Երևանը շատ վաղուց կորցրել է ոչ միայն իր դիմագիծը, այլ նաև էկոլոգիան». Հռիփսիմե Առաքելյան. ՏԵՍԱՆՅՈՒԹ
Տեսանյութեր
23.01.2020 | 14:04
Երևանը շատ վաղուց կորցրել է ոչ միայն իր դիմագիծը, այլ նաև այդ դիմագծին համապատասխան էկոլոգիան։ Դեռևս 90-ականների սկզբին ծառահատման այդ հսկայական սպանդը տեղի ունեցավ։ Հետո, ցավոք, չվերականգնեցինք այդ անտառները ,և դրա արդյունքում թամանյանական Երևանի տեսքն ու բուֆերային կանաչ գոտիներն ուղղակի վերացան։ Այս մասին այսօր՝ «Ի՞նչ ենք շնչում. Երևանում օդի աղտոտվածությունը թույլատրելիից բարձր է» թեմայով քննարկման ընթացքում նշեց Երևանի ավագանու «Բարգավաճ Հայաստան» խմբակցության քարտուղար Հռիփսիմե Առաքելյանը։
«Այդ կանաչ գոտիները հատուկ ստեղծվել էին, որպեսզի քաղաքը մաքուր պահեն, այն անընդհատ ֆիլտրվեր։ Եվ քանի որ այդ ամբողջ անտառային ծածկույթը մենք կորցրինք, քաղաքն իսկապես խնդրի առաջ կանգնեց։ Հուսով եմ, որ քաղաքապետարանի կանաչապատման ՀՈԱԿ-ը կկարողանա խնդիրը լուծել։ Առաջին փուլով մեկնարկելու է Սարալանջի հատվածի անտառածածկման աշխատանքների իրականացման գործընթացը, արդեն սկսել են տնկիների ձեռքբերումը։ Երևանի 2020 թվականի բյուջեով 3․6 մլրդ գումար է հատկացվել կանաչապատման ՀՈԱԿ-ին»,- ասաց Հռիփսիմե Առաքելյանը։
Մանրամասները՝ տեսանյութում։
Նելլի Մելքոնյան
