19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Դեռևս սահմաններ փակելու և ուղևորահոսքեր սահմանափակելու կարիք չունենք․ Արսեն Թորոսյանը՝ Չինաստանում հայտնված վիրուսի մասին. ՏԵՍԱՆՅՈՒԹ
Հասարակություն
22.01.2020 | 17:09
Մենք խորությամբ տեղյակ ենք Չինաստանում տեղի ունեցող իրադարձություններին, ինտենսիվ քննարկումներ և հետազոտություններ են ընթանում միջազգային մակարդակով, մի քանի ժամ առաջ ԱՀԿ-ում ավարտվել է արտակարգ ռեժիմով հավաքը, որպեսզի որոշենք, թե աշխարհն ինչպես է արձագանգելու այս նոր մարտահրավերին: Այսօր խորհրդարանում Կառավարության հետ հարցուպատասխանի ժամանակ պատասխանելով Չինաստանում տարածված կորոնավիրուսի մասին հարցին՝ ասաց ՀՀ առողջապահության նախարար Արսեն Թորոսյանը:
«Մեր մասով կարող եմ ասել, որ տեղի է ունենում սահմաններին ժամանող ուղևորների ջերմաչափում, ինչպես սովորաբար տեղի է ունենում: Այս պահին արձանագրված դեպքեր չունենք»,- ասաց նախարարը:
Նա տեղեկացրեց, որ Չինաստանից դուրս՝ վերջերս արձանագրվել է կորոնավիրուսով վարակի ևս մեկ դեպք՝ ԱՄՆ-ում:
«Դեպքերի զարգացմանը զուգընթաց մենք, եթե կարիք լինի որևէ միջոցառում ձեռնարկել Հայաստանում, կձեռնարկենք, և եթե կարիք լինի՝ կոչ անել քաղաքացիներին ինչ-որ տեսակի վարքագիծ դրսևորել, դրա մասին էլ կհայտնենք: Դեռևս սահմաններ փակելու կամ ուղևորահոսքեր սահմանափակելու կարիք չկա»,- վստահեցրեց Արսեն Թորոսյանը:
Մանրամասները՝ տեսանյութում:
