07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
«Այս տարվա մեր առաջին բալետային ներկայացումն արյունաբանական կենտրոնում կլինի». Ռուբեն Մուրադյան. ՏԵՍԱՆՅՈՒԹ
Մշակույթ
22.01.2020 | 16:39
Այս տարվա մեր առաջին բալետային ներկայացումը Յոլյանի անվան արյունաբանական կենտրոնում կլինի: Պայմաններն այն չեն, բայց փորձելու ենք մաքսիմալ լավ ներկայանալ մեր պատասխանատու հանդիսատեսի առջև: Այս մասին այսօր լրագրողների հետ զրույցում նշեց Ալ. Սպենդիարյանի անվան օպերայի և բալետի ազգային ակադեմիական թատրոնի բալետի արտիստ Ռուբեն Մուրադյանը:
«Արյունաբանական կենտրոնում բուժում ստացող երեխաներին հիվանդատես ենք եկել: Ներկայացնելու ենք «Չիպոլինո» բալետը: 2 գործողությամբ բալետային ներկայացումը կրճատել ենք 20 րոպեի, որպեսզի մեր փոքրիկներին չձանձրացնենք»,- ասաց Ռուբեն Մուրադյանը:
Նրա խոսքով՝ հունվարի 25-ին էլ նախատեսել են «Չիպոլինո» բալետի ամբողջական տարբերակի բեմադրությունը՝ Օպերային թատրոնում:
«Հրավիրատոմսեր ենք ուղարկել, որպեսզի արդեն բուժում ստացած երեխաներն անձամբ գան և դիտեն բալետի ամբողջական տարբերակը: Այդպես նաև դասական երաժշտությունն ենք փորձում մոտեցնել երեխաներին»,- նշեց բալետի արտիստը:
Մանրամասները՝ տեսանյութում:
Նելլի Մելքոնյան
