13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Քիրքուքում Իրաքի ուժերի ու քրդական Փեշմերգեի միջև բախումներ են սկսվել
Քաղաքականություն
20.10.2017 | 15:31
Իրաքի Քիրքուք նահանգի հարավարևտյան Փիրդե շրջանում բախումներ են տեղի ուեցել իրաքյան Քուրդիստանի «Փեշմերգե» զորաջոկատների և «Հաշդի շաբի» շիական խմբավորման զինյալների միջև. տեղեկացնում է ermenihaber-ը:
Միջանկյալ նշենք, որ վերջիններս Իրաքի բանակի հետ միասին հոկտեմբերի 13-ին Քիրքուք նահանգը ետ էին վերցրել Իրաքի քրդերից:
Ըստ թուրքական «Haberler» լրատվամիջոցի՝ «Փեշմերգե»-ի և «Հաշդի շաբի» միջև տեղի ունեցած բախումների ժամանակ 2 կողմերն էլ օգտագործել են ծանր զինամիջոցներ:
Այն բանից հետո, երբ Իրաքը վերահսկողություն սահմանեց Քիրքուքի նկատմամբ, իրաքյան Քուրդիստանի քրդերը մի շարք միջոցառումներ են ձեռնարկել են անվտանգության տեսանկյունից: Մասնավորապես Էրբիլ-Քիրքուք մայուղու մոտ քրդական ուժերը զորքեր են կուտակել և փորվել են խրամատներ: Քրդական ուժերը տարածքում տեղակայել են նաև զրահապատ մեքենաներ:
Հիշեցնենք, որ սեպտեմբերի 25-ին իրաքյան Քուրիդստանում կայացավ անկախության հանրաքվե: Վերջինս չճանաչվեց ոչ Թուրքիայի, ոչ էլ Իրանի կողմից: Երկու երկրները համարում են, որ անկախության հանրաքվեով խախտվել է Իրաքի տարածքային ամբողջականությունը և սահմանադրությունը:
