28.11.2024 | 16:39
Հայաստանի և Ադրբեջանի միջև անդրսահմանային գետերի ջրերի կառավարման ոլորտում պաշտոնական համագործակցություն առկա չէ․ ՇՄՆ
Լիբանանի նոր կառավարության կազմում մեկ հայ նախարար կա
Քաղաքականություն
22.01.2020 | 12:47
Լիբանանի վարչապետ Հասան Դիաբը ձևավորել է երկրի նոր կառավարության կազմը: Այս մասին տեղեկանում ենք Լիբանանի հայկական «Ազդակ» պարբերականից:
Կառավարության կազմում մեկ հայ նախարար կա՝ Վարդինե Օհանյան-Գեորգյանը, որը ստանձնել է Սպորտի և երիտասարդության հարցերի նախարարության ղեկավարությունը: Նա ՀՅԴ կուսակցության տեղի կառույցի ներկայացուցիչ է:
Վարդինե Օհանյանը 2017 թվականից մինչ օրս զբաղեցրել է «Զվարթնոց» հայկական կենտրոնի տնօրենը, մինչ այդ էլ աշխատել է տեղի հայկական մի շարք կառույցներում:
Ի դեպ՝ Լիբանանի կառավարության պատմության մեջ առաջին անգամ Պաշտպանության նախարարությունը կին կղեկավարի. այդ պաշտոնում նշանակվել է Զեյնա Աքարը: Ընդհանուր առմամբ, նորակազմ նախարարությունում 6 կին է ներառվել:
