20.01.2026 | 20:48
Իմպերիալիստական հավակնությունները վերածնվում են. Մակրոնը քննադատել է Թրամփի՝ «կանոններից զուրկ աշխարհը»
5,3 մլն եվրո՝ վտանգավոր թափոնների կառավարմանը. Եմ դեսպանն ու Երևանի քաղաքապետը փոխըմբռնման հուշագիր են ստորագրել
Տնտեսություն
21.01.2020 | 22:18
ԵՄ պատվիրակության ղեկավար, դեսպան տիկին Անդրեա Վիկտորինի հետ այսօր ստորագրեցինք փոխըմբռնման հուշագիր, որով շուրջ 5,3 մլն եվրո կհատկացվի՝ վտանգավոր թափոնների կառավարման նոր ու արդյունավետ համակարգ ներդնելու գործին. ֆեյսբուքի իր էջում գրել է Երևանի քաղաքապետ Հայկ Մարությանը:
«Ծրագրի ավարտին ակնկալում ենք մի իրավիճակ, երբ Երևանում բոլոր հնարավոր վտանգավոր թափոնների առումով կլինեն վերջնական լուծումներ՝ կամ թափոնների վնասազերծման, կամ դրանց անվտանգ պահպանման համար:
Հուշագրի ստորագրման պաշտոնական արարողությանը ներկա էին Բրյուսելից ժամանած Եվրոպական հանձնաժողովի հարևանության և ընդլայնման բանակցությունների գլխավոր տնօրինության Հայաստանի, Ադրբեջանի, Բելառուսի և Արևելյան գործընկերության բաժնի ղեկավար Վասիլիս Մարագոսը, ինչպես նաև մի շարք բարձրաստիճան պաշտոնյաներ»,- գրել է քաղաքապետը:
