30.04.2026 | 10:10
Դրամն արժևորվել է․ արտարժույթների փոխարժեքները՝ ապրիլի 30-ի դրությամբ
Ադրբեջանի պաշտպանության նախարարը պաշտոնական այցով Թբիլիսիում է
Քաղաքականություն
21.01.2020 | 19:07
Վրաստանի պաշտպանության նախարար Իրակլի Ղարիբաշվիլին այսօր պաշտոնական այցի շրջանակներում հյուրընկալել է ադրբեջանցի գործընկեր գեներալ-գնդապետ Զաքիր Հասանովին. գրում է aliq.ge-ն:
Ինչպես «Ալիք Մեդիային» հայտնեցին Վրաստանի պաշտպանության նախարարությունից, երկու երկրների նախարարները քննարկել են ռազմավարական գործընկերության և պաշտպանության ոլորտում համագործակցության հարցեր:
Դիմավորման պաշտոնական արարողությունից հետո անցկացված ընդլայնված ձևաչափով հանդիպմանը Իրակլի Ղարիբաշվիլին Ադրբեջանի պաշտպանության նախարարին շնորհակալություն է հայտնել Վրաստանի ինքնիշխանության և տարածքային ամբողջականությանը աջակցելու համար և նշել, որ երկրների միջև բարիդրացիական հարաբերությունները տարածաշրջանում կայունության և անվտանգության երաշխիքն են:
Նախարարները նաև զրուցել են ռազմական ոլորտում համագործակցության մասին: Հանդիպման ավարտին Իրակլի Ղարիբաշվիլին և Զաքիր Հասանովը 2020 թվականի երկկողմ համագործակցության ծրագիր են ստորագրել, ինչը պաշտպանության ոլորտում կնպաստի համագործակցության էլ ավելի խորացմանը և հաջող համագործակցությանը:
